ନୂଆଦିଲ୍ଲୀ: ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ କ୍ରିକେଟ ଟେଷ୍ଟରେ ପରାଜିତ ହେବା ଟିମ ଇଣ୍ଡିଆ ପାଇଁ ମହଙ୍ଗା ସାବ୍ୟସ୍ତ ହୋଇଛି । ଏହି ମ୍ୟାଚରେ ଧିମା ବୋଲିଂ ହାର ଯୋଗୁ ଭାରତର ବିଶ୍ୱ ଟେଷ୍ଟ ଚାମ୍ପିୟନଶିପର ୨ ପଂଏଟ କାଟି ଦିଆଯାଇଛି । ଭାରତ ଆବଶ୍ୟକଠାରୁ ୨ ଓଭର ପଛରେ ରହି ଯାଇଥିଲା । ପଂଏଟ କଟାଯିବା ଫଳରେ ଟିମ ଇଣ୍ଡିଆ ଏବଂ ଷଷ୍ଠ ସ୍ଥାନକୁ ଖସି ଆସିଛି । ଏହା ବ୍ୟତୀତ ୧୦ ପ୍ରତିଶତ ମ୍ୟାଚ ଫି କଟିବା ଜରିମାନା ଦଣ୍ଡ ମଧ୍ୟ ପ୍ରଦାନ କରାଯାଇଛି । ଦକ୍ଷିଣ ଆଫ୍ରିକା, ପାକିସ୍ତାନ, ନ୍ୟୁଜିଲାଣ୍ଡ, ବାଂଲାଦେଶ ଓ ଅଷ୍ଟ୍ରେଲିଆ ଯଥାକ୍ରମେ ପ୍ରଥମରୁ ୫ମ ସ୍ଥାନ ମଧ୍ୟରେ ରହିଛନ୍ତି ।
ଭାରତ ତଳକୁ ୱେଷ୍ଟଇଣ୍ଡିଜ ୭ମ, ଇଂଲଣ୍ଡ ୮ମ ଓ ଶ୍ରୀଲଙ୍କା ୯ମ ସ୍ଥାନରେ ରହିଛନ୍ତି । ଭାରତ ନିକଟ ରେ ଏବେ ୧୪ ପଂଏଟ ୩୮.୮୯ ପ୍ରତିଶତ ଅଙ୍କ ରହିଛି । ଦକ୍ଷିଣ ଆଫ୍ରିକା ନିକଟରୁ ଭାରତ ଇନିଂସ ପରାଜୟବରଣ କରିଛି । କେଏଲ ରାହୁଲ ଓ ବିରାଟ କୋହଲିଙ୍କ ବ୍ୟତୀତ ଅନ୍ୟ କୌଣସି ବ୍ୟାଟ୍ସମ୍ୟାନ ଦକ୍ଷିଣ ଆଫ୍ରିକା ବୋଲରଙ୍କ ଉଚିତ ମୁକାବିଲା କରିପାରି ନ ଥିଲେ ।
Comments are closed.