ମୁମ୍ବାଇ : ସୋସିଆଲ ମିଡିଆରେ ଏବେ ଏମିତି ଏକ ଭିଡ଼ିଓ ଭାଇରାଲ ହେବାରେ ଲାଗିଛି, ଯାହାକୁ ଦେଖିଲେ ଆପଣଙ୍କ ଛାତି ଥରି ଉଠିବ । ଜଣେ ଯୁବକ ନିଜ ମୁଣ୍ଡ କୁମ୍ଭୀର ପାଟିରେ ଭର୍ତ୍ତି କରୁଛନ୍ତି । ଏହି ଭୟଙ୍କର ଭିଡିଓ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ସେୟାର କରାଯାଇଛି । ଏହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି ।
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ଏକ କୁମ୍ଭୀର ତାର ପାଟି ଖୋଲି ରଖିଛି । ଯୁବକ ଜଣକ ତା ପାଟିରେ ନିଜର ମୁଣ୍ଡ ଭର୍ତ୍ତି କରୁଛନ୍ତି । ତା’ପରେ ପ୍ରାୟ ୧୫ ସେକେଣ୍ଡ ପରେ, ଯେତେବେଳେ ସେ ମୁଣ୍ଡ ଟାଣିବା ଆରମ୍ଭ କରୁଛନ୍ତି, କୁମ୍ଭୀରଟି ତାଙ୍କ ମୁଣ୍ଡକୁ ଜୋରରେ ଧରି ଛାଟୁଛି । ଯୁବକଙ୍କ ଭାଗ୍ୟ ଭଲ ଯେ କୁମ୍ଭୀରଟି ତାଙ୍କୁ ଛାଡି ଦେଇଥିଲା, ନଚେତ ଯଦି କୁମ୍ଭୀର ଛାଡି ନ ଥାନ୍ତା ତେବେ ସମ୍ପୃକ୍ତ ବ୍ୟକ୍ତିଙ୍କର ମୃତ୍ୟୁ ନିଶ୍ଚୟ ହୋଇଥାନ୍ତା ।
ଏହି ଭିଡ଼ିଓକୁ ଦେଖିବା ପରେ ଲୋକେ ଭିନ୍ନ ଭିନ୍ନ ମତ ଦେଇଛନ୍ତି । ଯୁବକ ଜଣକ ଏପରି ବିପଜ୍ଜନକ ପ୍ରାଣୀ ସହ ନ କରିବାକୁ ଅନେକ ପରାମର୍ଶ ଦେଇଛନ୍ତି । ଏହି ଘଟଣା ଥାଇଲାଣ୍ଡରେ ଘଟିଥିବା କେତେକ ୟୁଜର ଦାବି କରୁଛନ୍ତି । ୨୦୧୭ରେ କୁମ୍ଭୀର ଶୋ’ ସମୟରେ ଏହି ଘଟଣା ଘଟିଥିବା କୁହାଯାଉଛି । ତେବେ ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
Comments are closed.