ହାଇଦ୍ରାବାଦ: କଥାରେ ଅଛି ଅତି ଲୋଭରୁ ସର୍ବନାଶ। ତେଲେଙ୍ଗାନାର ଏକ ଚୋର ମଦ ଦୋକାନରେ ଚୋରି ପାଇଁ ଯୋଜନା ବନାଇଥିଲା। ଯାହା ପାରିଲା ଲୁଟି ନେଲା। ଚୋରି କାମ ସାରି ମଧ୍ୟ ଦେଇଥିଲା କିନ୍ତୁ ହଠାତ୍ ମଦ ଦେଖି ଲୋଭରେ ପଡିଗଲା। ଆଉ ତାପରେ ନନଷ୍ଟପ୍ ପିଇ ଚାଲିଲା।
ତେବେ ସେ ଏତେ ମଦ୍ୟପାନ କରି ଦେଇଥିଲା ଯେ ସେ ଦୋକାନରେ ହିଁ ଶୋଇଯାଇଥିଲେ। ଯାହାଫଳରେ ସେ ବର୍ତ୍ତମାନ ପୋଲିସ ହେପାଜତରେ ରହିଛି।
ଏହି ଘଟଣାଟି ତେଲେଙ୍ଗାନାର ମେଡକ ଜିଲ୍ଲାର ବୋଲି ଜଣାପଡିଛି। ଚୋର ଜଣକ କନକଦୁର୍ଗା ୱାଇନ୍ସ ନାମକ ଏକ ମଦ ଦୋକାନରୁ ଚୋରି କରିବାକୁ ଯୋଜନା କରିଥିଲା। ଡିସେମ୍ବର ୨୯ ତାରିଖ ବିଳମ୍ବିତ ରାତିରେ ଦୋକାନର ଛାତ ଉପରକୁ ଯାଇ ଟାଇଲ୍ସ ଗୁଡ଼ିକୁ କାଢି ଦୋକାନ ଭିତରେ ପଶିଥିଲା। ପରେ ଚତୁରତାର ସହ ସିସିଟିଭି କ୍ୟାମେରା ବନ୍ଦ କରିଦେଇଥିଲା। ତା’ପରେ ଡ୍ରୟରରୁ ନଗଦ ଟଙ୍କା ବାହାର କରିବା ସହ ସିକ୍ୟୁରିଟି ସିଷ୍ଟମର ହାର୍ଡ ଡିସ୍କକୁ ମଧ୍ୟ ନିଜ ପାଖରେ ରଖିଥିଲା।
ଏହାପରେ ଚୋର ଦୋକାନରୁ ବାହାରିବା ପୂର୍ବରୁ ମଦ ଦେଖି ସମ୍ଭାଳି ପାରିଲାନି। ଥରେ ପିଇଥିଲା, ସେହିପରି ଆଉ ଥରେ ଆଉ ଥରେ କରି କରି ନିଜ କ୍ଷମତା ଠାରୁ ଅଧିକ ମଦ୍ୟପାନ କରିଦେଇଥିଲା। ଯାହା ଫଳରେ ସେହି ଦୋକାନରେ ହି ନିଜେ ଶୋଇପଡିଥିଲା। ସକାଳୁ ସକାଳୁ ଦୋକାନ ଖୋଲିବା ପରେ କର୍ମଚାରୀ ମାନେ ଏଭଳି ଘଟଣା ଦେଖି ପୋଲିସକୁ ଖବର ଦେଇଥିଲେ।
Comments are closed.