ଭୁବନେଶ୍ୱର: ଭୁବନେଶ୍ୱରର ନୟାପଲ୍ଲୀ ଅଞ୍ଚଳର ଏକ ହୋଟେଲରେ ଜାନୁଆରୀ ୫ ତାରିଖରେ ଚାଲିଥିବା ଏକ ସଙ୍ଗୀତ ସମାରୋହରେ କିଛି ଚୋର କନ୍ୟାଙ୍କ ଉପହାର ବ୍ୟାଗରୁ ୩.୫ ଲକ୍ଷ ଟଙ୍କା ନେଇଯାଇଛନ୍ତି।
କନ୍ୟାଙ୍କ ପିତାଙ୍କ କହିବା ଅନୁଯାୟୀ ତାଙ୍କ ସ୍ତ୍ରୀ ଟଙ୍କା ଥିବା ବ୍ୟାଗଟିକୁ ତଳେ ରଖି କିଛି ସମୟ ପାଇଁ ସେହି ସ୍ଥାନରୁ ଚାଲିଯାଇଥିଲେ। ପରେ ଯେତେବେଳେ ସେ ବ୍ୟାଗଟିକୁ ଆଣିବାକୁ ଯାଇଥିଲେ ସେତେବେଳେ ବ୍ୟାଗଟି ସେହି ସ୍ଥାନରେ ନଥିଲା। ସେହି ହୋଟେଲ ଭିତରେ କୌଣସି ସିସିଟିଭି କ୍ୟାମେରା ନଥିବାରୁ କିଏ ବ୍ୟାଗ୍ ଟିକୁ ନେଇଛି ତାହା ଜାଣିବା କଷ୍ଟକର ହୋଇପଡ଼ିଥିଲା। ତେବେ ଯେତେବେଳେ ବାହାର ସିସିଟିଭି ଫୁଟେଜ୍ ଏବଂ ଉତ୍ସବର ଭିଡିଓ ରେକର୍ଡିଂ ଦେଖାଯାଇଥିଲା। ସେତେବେଳେ ଦୁଇ ଜଣ ସନ୍ଦିଗ୍ଧଙ୍କୁ ଚିହ୍ନଟ କରାଯାଇଥିଲା। ସେହି ଦୁଇଜଣ କେହି ହୋଟେଲ କର୍ମଚାରୀଙ୍କ ସହଯୋଗ ବିନା ସମାରୋହ ସ୍ଥାନରେ ପହଞ୍ଚି ପାରିନଥିବେ ବୋଲି କନ୍ୟାଙ୍କ ପିତା ଅଭିଯୋଗ କରିଛନ୍ତି।
ଏହି ଘଟଣା ପରେ ପରିବାର ନୟାପଲ୍ଲୀ ପୋଲିସ ନିକଟରେ ଅଭିଯୋଗ କରିଛନ୍ତି ଓ ପୋଲିସ ଅପରାଧୀଙ୍କୁ ଚିହ୍ନଟ କରିବା ପାଇଁ ସିସିଟିଭି ଫୁଟେଜ୍ ଯାଞ୍ଚ କରୁଥିବା ଜଣାପଡିଛି।
ତେବେ ଚୋରମାନେ ବର ତରଫରୁ ଆସିଥିବା କହି ସେଠାରେ ଯୋଗ ଦେଇଥିଲେ ଓ ପରେ ଚୋରି କରି ଟଙ୍କା ବ୍ୟାଗ୍ ସହିତ ଏକ କାରରେ ଚାଲିଯାଇଥିବା ସନ୍ଦେହ କରାଯାଉଛି।
ଉଲ୍ଲେଖଯୋଗ୍ୟ, ଗତ ବର୍ଷ ଫେବୃଆରୀ ମାସରେ ରାଜଧାନୀରେ ସମାନ ଚୋରି ଘଟଣା ସାମ୍ନାକୁ ଆସିଥିଲା। ଯେତେବେଳେ ଦୁଇଜଣ ଲୋକ ହୋଟେଲରେ ଏକ ରିସେପ୍ସନରେ ପଶି ବରଙ୍କ ସହିତ ଫଟୋ ଉଠାଇବା ପରେ ୧୦ ଲକ୍ଷ ଟଙ୍କାରୁ ଅଧିକ ମୂଲ୍ୟର ସୁନା ଅଳଙ୍କାର ଏବଂ ୨ ଲକ୍ଷ ଟଙ୍କା ନଗଦ ନେଇ ସେଠାରୁ ଚାଲି ଯାଇଥିଲେ।