ଯୋଗୀ ଆଦିତ୍ୟନାଥ, ଦେବେନ୍ଦ୍ର ତିୱାରୀଙ୍କୁ ହତ୍ୟା ଧମକ

ଆଲମବାଗ: ଆଲମବାଗରେ ରହୁଥିବା ଭାରତୀୟ କିସାନ ମୋର୍ଚ୍ଚାର ନେତା ଦେବେନ୍ଦ୍ର ତିୱାରୀ ଓ ଉତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ହତ୍ୟା ଧମକ ମିଳିଛି । ତିୱାରୀଙ୍କ ଘର ବାହାରେ ଏକ ବ୍ୟାଗରୁ ଏହି ଧମକ ଭରା ପତ୍ର ମିଳିଥିଲା । ଆଲମବାଗ ପୋଲିସ ମୋକଦ୍ଦମା ରୁଜୁ କରି ତଦନ୍ତ ଆରମ୍ଭ କରିଛି । ସଲମାନ ସିଦ୍ଦିକ ନାମରେ ଆସିଥିବା ଏହି ଚିଠିରେ ଲେଖା ହୋଇଛି ଯେ, ବାରମ୍ବାର ବୁଝାଇବା ସତ୍ୱେ ତୁମେ ମାନୁ ନାହଁ । ପିଆଇଏଲ କାରଣ ଯୋଗୁ ମୁସଲମାନମାନେ ଅସୁବିଧାରେ ପଡିଛନ୍ତି । ଯୋଗୀଙ୍କ ଯୋଗୁ ସମସ୍ତ ସ୍ଲଟର ହାଉସ ବନ୍ଦ ହୋଇଯାଇଛି । ତୁ ଅପେକ୍ଷା କର କଣ ତୋ ଅବସ୍ଥା ହେଉଛି । ୧୫ ଦିନ ମଧ୍ୟରେ ଫଳ ତୁମ ସମ୍ମୁଖରେ ରହିବ । ତିୱାରୀ ରହୁଥିବା ଅଂଚଳର ସମସ୍ତ ସିସିଟିଭିକୁ ଯାଂଚ କରାଯାଉଛି । ଖୁବ ଶୀଘ୍ର ଏହି ପତ୍ର ଲେଖିଥିବା ବ୍ୟକ୍ତିଙ୍କୁ ଗିରଫ କରାଯିବ ବୋଲି ପୋଲିସ ପକ୍ଷରୁ କୁହାଯାଇଛି ।