ଆନ୍ଦନପୁର: ଆଗପଛ ହେଇଯାଉ ଥିବା ଭେଳେ ଘାଟି ରାସ୍ତାରେ ପରସ୍ପର ଧକ୍କା ହେଲା ଦୁଇ ବାଇକ। ଚାଲିଗଲା ୩ ସାଙ୍ଗଙ୍କ ଜୀବନ। କେନ୍ଦୁଝର ଜିଲ୍ଲାର ମହୁଲଡିହା ଥାନା ନର୍ଦା ଗାଁ ନିକଟରେ ଏଭଳି ସଡ଼କ ଦୁର୍ଘଟଣା ଘଟିଛି। ଏହି ଘଟଣାରେ ୨ ଜଣ ଆହତ ହୋଇଛନ୍ତି। ଆହତଙ୍କୁ କଟକ ସ୍ଥାନାନ୍ତର କରାଯାଇଛି। ଘଟଣାରେ ମୃତକ ୩ ଜଣ ହେଲେ ହେଲେ ସ୍ଥାନୀୟ ଶାଳଚୁଆ ଗ୍ରାମର ଗଜେନ୍ଦ୍ର ନାୟକ, ବିବିତ ନାୟକ, ଶୁଭ ନାୟକ। ପୁଲିସ୍ ଘଟଣାସ୍ଥଳରେ ପହଞ୍ଚିଛି ତଦନ୍ତ ଆରମ୍ଭବ କରିଛି। ଅନ୍ୟପଟେ ଘଟଣାରେ ଗୁରୁତର ଦୁଇ ଜଣଙ୍କୁ କଟକ ସ୍ଥାନାନ୍ତର କରାଯାଇଛି।
ଘଟଣା ଆଜି ସନ୍ଧ୍ୟା ବେଳର। ଶାଳଚୁଆ ଗାଁର ଗଜେନ୍ଦ୍ର ନାୟକ, ବିବିତ ନାୟକ, ଶୁଭ ନାୟକ ଓ ଅନ୍ୟ ଦୁଇ ଜଣ ସାଙ୍ଗ ଦୁଇଟି ବାଇକ୍ରେ ଆନନ୍ଦପୁର ବ୍ଲକ ବିରିଢ଼ିହି ଅଞ୍ଚଳକୁ ବୁଲି ଯାଇଥିଲେ। ସେଠାରେ ବୁଲାବୁଲି ସାରି ଫେରିବା ବେଳକୁ ସନ୍ଧ୍ୟା ପ୍ରାୟ ୭ଟା ବେଳେ ଶାଳଚୁଆ ଘାଟିରେ ଦୁଇ ବାଇକ୍ ପଛକୁ ପଛ ପିଟି ହୋଇଯିବାରୁ ଘଟଣା ସ୍ଥଳରେ ଗଜେନ୍ଦ୍ର ବିବିତ ଓ ଶୁଭ ନାୟକଙ୍କର ମୃତ୍ୟୁ ଘଟିଥିଲା। ଅନ୍ୟ ଦୁଇ ଜଣ ଗୁରୁତର ଆହତ ହୋଇ ରାସ୍ତାରେ ଛିଟିକି ପଡ଼ିଥିଲେ। ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ପ୍ରଥମେ ସ୍ଥାନୀୟ ମେଡ଼ିକାଲ୍ରେ ଭର୍ତ୍ତି କରିଥିଲେ। ପରେ ଅବସ୍ଥା ଗୁରୁତର ହେବାରୁ ସେମାନଙ୍କୁ କଟକ ବଡ଼ ମେଡ଼ିକାଲ୍କୁ ସ୍ଥାନାନ୍ତରିତ କରାଯାଇଛି।
Comments are closed.