ବେଙ୍ଗାଲୁରୁ: କର୍ଣ୍ଣାଟକ ବନ ବିଭାଗ ପକ୍ଷରୁ ଗୁରୁବାର ଦିନ ମାରାନାୟକନାପାଲିଆ ଗାଁରେ ମୟୂରକୁ ମାରିବା ଅଭିଯୋଗରେ ଓଡ଼ିଶାରୁ ତିନି ଜଣଙ୍କୁ ଗିରଫ କରାଯାଇଛି। ଗିରଫ ଅଭିଯୁକ୍ତମାନେ ହେଲେ ବିଟିଙ୍ଗ ନାୟକ, ବୈଶାଖ ଡାଭୁ ଓ ଡୁବା କପାତ।
ମିଳିଥିବା ସୂଚନା ଅନୁଯାୟୀ, ଏହି ତିନି ଜଣ ବ୍ୟକ୍ତି ମାରାନାୟକନାପାଲିଆରେ ଏକ ଇଟା କାରଖାନାରେ କାମ କରିବା ସହ ମାଂସ ପାଇଁ ମୟୂରଙ୍କୁ ହତ୍ୟା କରିଥିବା ଜଣାପଡ଼ିଛି। ଅଭିଯୁକ୍ତଙ୍କ ନିକଟରୁ ପୁଲିସ ଦେଢ଼ କିଲୋ କଞ୍ଚା ମୟୂର ମାଂସ, ଦୁଇଟି କଟା ଗୋଡ ଓ ପକ୍ଷୀର ରନ୍ଧା ମାଂସ ଜବତ କରିଛି। ଏଥିସହ ଜାଲ, ଟ୍ରାପ୍ ଉପକରଣ ଏବଂ ମୟୂର ମାଂସ ରାନ୍ଧିବା ପାଇଁ ବ୍ୟବହୃତ ରୋଷେଇ ସାମଗ୍ରୀ ମଧ୍ୟ ଜବତ ହୋଇଛି।
ମୟୂର ମାଂସକୁ ପରୀକ୍ଷା ପାଇଁ ଫରେନସିକ୍ ସାଇନ୍ସ ଲାବୋରେଟୋରି (ଏଫ୍ଏସ୍ଏଲ୍)କୁ ପଠାଯାଇଛି ଏବଂ ଅଭିଯୁକ୍ତଙ୍କ ବିରୋଧରେ ବନ୍ୟପ୍ରାଣୀ ସଂରକ୍ଷଣ ଆଇନ୍ ଅନୁଯାୟୀ ମାମଲା ରୁଜୁ କରାଯାଇଛି।
ଏହି ଘଟଣା ଭାରତରେ ଏକ ସଂରକ୍ଷିତ ପ୍ରଜାତିର ମୟୂରକୁ ବେଆଇନ ଭାବେ ହତ୍ୟା କରାଯିବା ନେଇ ଚିନ୍ତା ପ୍ରକଟ କରିଛି। ବନ୍ୟଜନ୍ତୁଙ୍କ ଶିକାର କିମ୍ବା ଚୋରା ଚାଲାଣର କୌଣସି ଘଟଣା ଘଟିଲେ ସେ ସମ୍ପର୍କରେ ପ୍ରଶାସନକୁ ଜଣାଇବା ପାଇଁ କର୍ଣ୍ଣାଟକ ବନ ବିଭାଗ ପକ୍ଷରୁ ଜନସାଧାରଣଙ୍କୁ ଅନୁରୋଧ କରାଯାଇଛି।
Comments are closed.