ନୂଆଦିଲ୍ଲୀ: ୨୪ ଘଂଟା ମଧ୍ୟରେ କ୍ରିକେଟରେ ଏକ ଅଦ୍ଭୁତ ସଂଯୋଗ ଦେଖିବାକୁ ମିଳିଛି । ଏହି ସଂଯୋଗଟି ହେଲା ୩ ଜଣ ବ୍ୟାଟ୍ସମ୍ୟାନ ୯୭ ରନ କରି ଅପରାଜିତ ରହିଛନ୍ତି ଏବଂ ତାଙ୍କ ଦଳ ସେହି ମ୍ୟାଚରେ ବିଜୟ ହାସଲ କରିଛି । ଏହି ୩ଜଣ ବ୍ୟାଟ୍ସମ୍ୟାନ ହେଲେ ଶ୍ରେୟାଶ ଆୟାର, ଟିମ ସିଫର୍ଟ ଓ କ୍ୱିଂଟନ ଡିକକ । ଚଳିତ ଆଇପିଏଲରେ ପଞ୍ଜାବ କିଙ୍ଗସର ଅଧିନାୟକ ଶ୍ରେୟାଶ ଆୟାର ଗୁଜରାଟ ଟାଇଟାନ୍ସ ବିପକ୍ଷରେ ମାତ୍ର ୪୨ ବଲରେ ବିସ୍ଫୋରକ ୯୭ ରନ କରି ଅପରାଜିତ ରହିଥିଲେ । ପଞ୍ଜାବ ୧୧ ରନରେ ଏହି ମ୍ୟାଚ ଜିତିଥିଲା । ଏହା ପରେ ପରେ କୋଲକାତା ନାଇଟ ରାଇଡର୍ସର କ୍ୱିଂଟନ ଡି କକ ରାଜସ୍ଥାନ ବିପକ୍ଷରେ ୯୭ ରନ ସଂଗ୍ରହ କରିଥିଲେ ।
ଏହି ମ୍ୟାଚରେ ସେ ୮ ଚୌକା ଓ ୬ ଛକା ମାରିଥିଲେ । ତାଙ୍କର ୬୧ ବଲରେ ଏହି ଆକର୍ଷଣୀୟ ବ୍ୟାଟିଂ ଯୋଗୁ କୋଲକାତା ବିଜୟ ହାସଲ କରିଥିଲେ । ପାକିସ୍ତାନ ଓ ନ୍ୟୁଜିଲାଣ୍ଡ ମଧ୍ୟରେ ୱେଲିଂଟନରେ ଖେଳା ଯାଇଥିବା ଟି୨୦ ମ୍ୟାଚରେ ମଧ୍ୟ ଏହି ସଂଯୋଗ ଦେଖିବାକୁ ମିଳିଥିଲା । ଟିମ ସେଫର୍ଟ ୩୮ ବଲରେ ୯୭ ରନ କରି ଅପରାଜିତ ରହିଥିଲେ । ସେ ୬ ଚୌକା ଓ ୧୦ ଛକା ମାରିଥିଲେ । ନ୍ୟୁଜିଲାଣ୍ଡ ୧୨୯ ରନର ଟାର୍ଗେଟକୁ ୧୦ ଓଭରରେ ହାସଲ କରି ନେଇଥିଲା ।
Comments are closed.