ହୋଟେଲରେ ଟିପ୍ ରୁ ବଞ୍ଚିବାକୁ ଜଣେ ମହିଳା ଆପଣେଇଲେ ଏଭଳି ଉପାୟ, ବିଲ୍ ରେ ଲେଖିଲେ ଏପରି କିଛି..

ନୂଆଦିଲ୍ଲୀ: ଏପରି ଅନେକ ଥର ହୋଇଥାଏ ଯେତେବେଳେ ଆପଣ ଘରେ ରୋଷେଇ କରିବା କିମ୍ବା ଘର ଖାଦ୍ୟ ଖାଇବାକୁ ପସନ୍ଦ କରିନଥାନ୍ତି । ଏପରି ସ୍ଥିତିରେ ଆପଣ ହୋଟେଲ କିମ୍ବା ରେସ୍ତୋରାଁକୁ ଯାଇ ସେଠାରେ ଆପଣଙ୍କର ପ୍ରିୟ ଖାଦ୍ୟ ଅର୍ଡର କରିଥାନ୍ତି । ଯଦି ଉକ୍ତ ରେସ୍ତୋରାଁରେ ଥିବା ଖାଦ୍ୟକୁ ଆପଣ ପସନ୍ଦ କରନ୍ତି ତେବେ ଦ୍ୱିଗୁଣିତ ଖୁସି ହୁଅନ୍ତି ଏବଂ ଖୁସିରେ ୱେଟରଙ୍କୁ ଟିପ୍ ଭାବରେ କିଛି ଟଙ୍କା ଦିଅନ୍ତି । କିନ୍ତୁ ଏପରି କିଛି ଲୋକ ଅଛନ୍ତି ଯେଉଁମାନେ ଟିପ୍ ରୁ ଦୂରେଇ ରୁହନ୍ତି । ସୋସିଆଲ ମିଡିଆରେ ଏଭଳି ଜଣେ ମହିଳାଙ୍କ ଭିଡିଓ ଭାଇରାଲ ହେଉଛି । ତେବେ ଆସନ୍ତୁ ଜାଣିବା ମହିଳା ଟିପ୍ କୁ ଏଡାଇବା ପାଇଁ କଣ କରିଥିଲେ ।

ସୋସିଆଲ ମିଡିଆ ‘ଏକ୍ସ’ ରେ ଭାଇରାଲ ହେଉଥିବା ଭିଡିଓରେ ଆପଣ ଦେଖିପାରିବେ ଯେ ଟେବୁଲରେ ଖାଦ୍ୟ ଖାଇବା ପରେ ବିଲ୍ ଆସିଛି । ଏହି ବିଲରେ ଟିପ୍ ଗୋଟିଏ ସ୍ଥାନରେ ଲେଖାଯାଇଛି ଏବଂ ଏହା ପୂର୍ବରୁ କିଛି ସ୍ଥାନ ଖାଲି ଅଛି । ଏହି ଖାଲି ସ୍ଥାନରେ ବ୍ୟକ୍ତି ଟିପ୍ ଭାବରେ ଦିଆଯିବାକୁ ଥିବା ଟଙ୍କାର ପରିମାଣ ଲେଖନ୍ତି । କିନ୍ତୁ ଏହି ମହିଳା ଅନ୍ୟ କିଛି ଲେଖିଥିଲେ ।

ଭିଡିଓରେ ଆପଣ ଦେଖିପାରିବେ ଯେ ମହିଳା ଜଣକ ସେଠାରେ ଲେଖିଛନ୍ତି ଯେ, ‘ମୋ ସ୍ୱାମୀଙ୍କୁ ‘ସ୍ବିଟହାର୍ଟ ବୋଲି କୁହନ୍ତୁ ନାହିଁ’। ଏହି ଭିଡିଓ ମଧ୍ୟ ସେହି ମହିଳାଙ୍କ ଦ୍ୱାରା ପ୍ରସ୍ତୁତ କରାଯାଇଛି ଯାହା ସୋସିଆଲ ମିଡିଆରେ ଭାଇରାଲ ହେଉଛି ।

What are your thoughts on this? pic.twitter.com/O7akwD0S14

— Constitutional Gator (@WeThePeople021) February 19, 2024

‘ଏକ୍ସ’ ରେ ଏହି ଭିଡିଓ @WeThePeople021 ଏହି ଆଇଡି ରେ ଭାଇରାଲ ହେବା ପରେ ଏହାକୁ ବର୍ତ୍ତମାନ ସୁଦ୍ଧା 11 ମିଲିୟନ ଲୋକ ଦେଖିଛନ୍ତି । ଏହା ଉପରେ ଅନେକ ୟୁଜର୍ସ ନିଜ ନିଜ ମତ ଦେଇଛନ୍ତି । ଜଣେ ୟୁଜର୍ସ ଲେଖିଛନ୍ତି ଯେ, ଏହି ପରି ଲୋକମାନେ ସର୍ବଦା ଟିପ୍ ନଦେବାକୁ କିଛି ନା କିଛି ଉପାୟ ଖୋଜନ୍ତି । ଅନ୍ୟ ଜଣେ ୟୁଜର୍ସ ଲେଖିଛନ୍ତି- ଏହିପରି ଲୋକମାନେ ଗ୍ରାହକ ସେବା କର୍ମଚାରୀଙ୍କ ପ୍ରତି ନିଷ୍ଠୁର ଅଟନ୍ତି । ଅନ୍ୟ ଜଣେ ୟୁଜର୍ସ ଲେଖିଛନ୍ତି – ଟିପ୍ ନ ଦେବା ପାଇଁ ଏହା କେବଳ ଏକ ବାହାନା ।