ଆଗ୍ରା: ୟୁପିର ମୁଜାଫରନଗର ଜିଲ୍ଲାର ଗୋଏଲା ଗାଁରେ ଜଣେ ୧୯ ବର୍ଷୀୟ ଗର୍ଭବତୀ ଯୁବତୀଙ୍କୁ ତାଙ୍କ ‘ପ୍ରେମିକା’ ପାଇଁ କୋର୍ଟରେ ସାକ୍ଷ୍ୟ ଦେବାକୁ ଯାଉଥିବା ବେଳେ ତାଙ୍କ ବାପା ତାଙ୍କୁ ଗଳାକାଟି ହତ୍ୟା କରିଛନ୍ତି।
ରବିବାର ନଦୀରୁ ଝିଅଟିର ମୃତଦେହ ଉଦ୍ଧାର କରାଯାଇଥିବା ବେଳେ ଗାଁ ମୁଖିଆଙ୍କ ଅଭିଯୋଗ କ୍ରମେ ତା’ର ବାପାମାଆଙ୍କୁ ଗିରଫ କରାଯାଇଥିବା ପୁଲିସ କହିଛି। ଯୁବତୀ ଜଣଙ୍କ ୨୦ ବର୍ଷୀୟ ‘ପ୍ରେମିକା’ଙ୍କ ସହ ଫେରାର ହୋଇଯାଇଥିଲେ ବୋଲି ଅଭିଯୋଗ ହୋଇଛି।
ମୁଜାଫରନଗର ଏସପି କୁଲଦୀପ ସିଂହ କହିଛନ୍ତି, ଝିଅଟିର ବାପା ମାଆଙ୍କୁ ହତ୍ୟା ଅଭିଯୋଗରେ ଜେଲ୍ ପଠାଇ ଦିଆଯାଇଛି। ହତ୍ୟାକାଣ୍ଡରେ ବ୍ୟବହୃତ ଏକ ରଶି, ସ୍କାର୍ଫ ଏବଂ ରିକ୍ସାକୁ ଜବତ କରାଯାଇଛି। ଗିରଫ ପରେ ଝିଅର ବାପା ଦେଇଥିବା ସୂଚନା ପରେ ପୋଲିସ ଅପରାଧରେ ବ୍ୟବହୃତ ଜିନିଷ ଜବତ କରିବା ସହ ସଂପୃକ୍ତ ସୂଚନା ଦେଇଛି।
ଉଲ୍ଲେଖଯୋଗ୍ୟ, ଯେତେବେଳେ ବାପା ମାଆ ଜାଣିବାକୁ ପାଇଥିଲେ ଯେ ତାଙ୍କ ଝିଅ ଆଠ ମାସର ଗର୍ଭବତୀ, ସେମାନେ ନିଜ ପରିବାରର ସମ୍ମାନ ବଞ୍ଚାଇବା ପାଇଁ ତାକୁ ହତ୍ୟା କରିବାକୁ ନିଷ୍ପତ୍ତି ନେଇଥିଲେ ବୋଲି ପୁଲିସ କହିଛି।
Comments are closed.