ଆଜି ରାଜ୍ୟରୁ କରୋନାରୁ ସୁସ୍ଥ ହେଲେ ୩୨୭୯

ଭୁବନେଶ୍ୱର: ରାଜ୍ୟବାସୀଙ୍କ ପାଇଁ ଖୁସି ଖବର । ରାଜ୍ୟରେ କରୋନା ଗ୍ରାଫ କମିବାରେ ଲାଗିଛି । ଆଜି ରାଜ୍ୟରେ ସଂକ୍ରମିତଙ୍କ ଠାରୁ ସୁସ୍ଥ ସଂଖ୍ୟା ଅଧିକ ରହିଛି । ରାଜ୍ୟରେ ଆଜି ୩୨୭୯ ଜଣ କରୋନାରୁ ସୁସ୍ଥ ହୋଇଛନ୍ତି । ଏଥିରେ ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୭୦୧ ଜଣ ଅଛନ୍ତି । ରାଜ୍ୟରେ ବର୍ତ୍ତମାନ ମୋଟ୍ ସୁସ୍ଥ ସଂଖ୍ୟା ୧୨ ଲକ୍ଷ ୫୧ ହଜାର ୪୩୧ରେ ପହଞ୍ଚିଛି । ଏ ନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର ବିଭାଗ ଟ୍ୱିଟ୍ କରି ସୂଚନା ଦେଇଛି ।

ସୂଚନା ଅନୁସାରେ ଆଜି ସୁନ୍ଦରଗଡ଼ ଜିଲ୍ଲାରୁ ୨୮୦ଜଣ, ସମ୍ବଲପୁର ଜିଲ୍ଲାରୁ ୨୩୮, କଟକରୁ ୧୬୫, ଅନୁଗୁଳରୁ ୧୫୦, ଯାଜପୁରରୁ ୧୪୯, ମୟୂରଭଂଜରୁ ୧୨୮, ବାଲେଶ୍ୱରରୁ ୧୧୦, କଳାହାଣ୍ଡିରୁ ୮୯ ଓ ଝାରସୁଗୁଡ଼ାରୁ ୮୨, ଢେଙ୍କାନାଳରୁ ୮୦, ପୁରୀରୁ ୭୨, କନ୍ଧମାଳରୁ ୭୧, ଭଦ୍ରକରୁ ୭୦, ବୌଦ୍ଧରୁ ୬୯, ଦେବଗଡ଼ରୁ ୬୮, ନବରଂଗପୁରରୁ ୬୪, କେନ୍ଦ୍ରାପଡ଼ାରୁ ୬୩, ନୂଆପଡ଼ାରୁ ୬୨, ବଲାଙ୍ଗୀରରୁ ୬୦, ଜଗତସିଂହପୁରରୁ ୫୮, କୋରାପୁଟରୁ ୫୬, ଗଂଜାମରୁ ୫୧, ବରଗଡ଼ରୁ ୪୬, ରାୟଗଡ଼ାରୁ ୩୮, ସୁବର୍ଣ୍ଣପୁରରୁ ୩୪, ଗଜପତିରୁ ୧୯, କେନ୍ଦୁଝରରୁ ୧୮, ମାଲକାନଗିରିରି, ନୟାଗଡ଼ରୁ ୧୪ ଲେଖାଏଁ ଓ ରାଜ୍ୟପୁଲରୁ ୧୬୦ ଜଣ ଆକ୍ରାନ୍ତ କରୋନାରୁ ସୁସ୍ଥ ହୋଇଛନ୍ତି।