ଭୁବନେଶ୍ବର:ଦଳ ସଜାଡୁଛି ବିଜେଡି । ନିରଙ୍କୁଶ ସଂଖ୍ୟା ଗରିଷ୍ଠତା ପାଇ ଆସିଥିବା ବିଜେଡି କରୁଛି ହୋମୱର୍କ । କୌଣସି ସ୍ଥାନରେ ସାମାନ୍ୟ ତ୍ରୁଟିକୁ ବି ବରଦାସ୍ତ କରିବନି ଦଳ । ଘରେ ଘରେ ଯେମିତି ଶଙ୍ଖ ବାଜିବ ସେଥିପାଇଁ ତୃଣମୂଳ ସ୍ତରରୁ ପ୍ରସ୍ତୁତି ଆରମ୍ଭ କରିବାକୁ ଯାଉଛି । ସେଥିପାଇଁ ଆଜି ସନ୍ଧ୍ୟାରେ ନବୀନ ନିବାସରେ ବସିବ ବିଜେଡିର ଗୁରୁତ୍ୱପୂର୍ଣ୍ଣ ବୈଠକ ।
ଏହି ବୈଠକରେ ଯୋଗ ଦେବା ପାଇଁ ଦଳର ଜିଲ୍ଲା ପର୍ଯ୍ୟବେକ୍ଷକମାନଙ୍କ ସମେତ ବରିଷ୍ଠ ନେତାଙ୍କୁ ଡକାଯାଇଛି । ବୈଠକରେ ଆଗାମୀ ନିର୍ବାଚନ ନେଇ ପ୍ରସ୍ତୁତି ଉପରେ ଆଲୋଚନା କରାଯିବ । ତେବେ ଘରେ ଘରେ ଶଙ୍ଖ ଫୁଙ୍କବା ପାଇଁ ବିଜେଡି ଆରମ୍ଭ କରିବ ପଦଯାତ୍ରା । ଏହି ପଦଯାତ୍ରା ଗାନ୍ଧୀ ଜୟନ୍ତୀରୁ ଆରମ୍ଭ ହେବ । ସେ ନେଇ ମଧ୍ୟ ବୈଠକରେ ଆଲୋଚନ ହେବ । ଏଥିସହିତ ମୁଖ୍ୟମନ୍ତ୍ରୀଙ୍କର ବିଭିନ୍ନ ସଭା ନେଇ ଆଜିର ବୈଠକରେ ଆଲୋଚନା ହେବା ସମ୍ଭାବନା ରହିଛି ।
ସେପଟେ ଶଙ୍ଖ ଭବନରେ ଚାଲିଛି ସାଙ୍ଗଠିକି କାମ । ରାଜ୍ୟର ବିଭିନ୍ନ ସ୍ଥାନରୁ ସାଙ୍ଗଠନିକ ସମ୍ପାଦକ ଆସି ନିଜ ନିଜ ଅଞ୍ଚଳର ବିଧାୟକଙ୍କୁ ଭେଟି ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରୁଥିବା କହିଛନ୍ତି ବିଧାୟକ ସମୀର ଦାଶ ।
Comments are closed.