ସୁନ୍ଦରଗଡ଼: ଟ୍ରକ ଉପରେ ଚଢିଗଲା ଆଉ ଏକ ଟ୍ରକ । ଘଟଣାସ୍ଥଳରେ ଚାଲିଗଲା ୨ ଜୀବନ । ଏପରି ଭୟାବହ ଦୁର୍ଘଟଣା ଘଟିଛି ସୁନ୍ଦରଗଡ଼ ଟାଉନ୍ ଥାନା କୁନାଲ ପେଟ୍ରୋଲ ପମ୍ପ ନିକଟରେ । ଦୁର୍ଘଟଣାରେ ୨ ଜଣ ଗୁରୁତର ହୋଇଛନ୍ତି । ସେମାନଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
ପୋଲିସ ସୂତ୍ରରୁ ମିଳିଥିବା ଖବର ଅନୁଯାୟୀ, ଦୁର୍ଘଟଣା ଘଟିଥିଲା ଶୁକ୍ରବାର ବିଳମ୍ବିତ ରାତିରେ । ରାଜଗାଙ୍ଗପୁରରୁ ସମେଣ୍ଟ ଆଣି ଆସୁଥିବା ଏକ ଟ୍ରକ କେମିତି କେଜାଣି ସେହି ରାସ୍ତାରେ ଯାଉଥିବା ଆଉ ଏକ ଟ୍ରକ ଉପରେ ଚଢିଯାଇଥିଲା । ଫଳରେ ଡ୍ରାଇଭର ଓ ହେଲ୍ପର ଉଭୟେ ଟ୍ରକ ଭିତରେ ଚାପି ହୋଇ ଯାଇଥିଲେ ଓ ସେମାନଙ୍କର ମୃତ୍ୟୁ ଘଟିଥିଲା । ହେଲେ ମୃତ ଡ୍ରାଇଭର ଓ ହେଲପରଙ୍କ ପରିଚୟ ମିଳି ପାରିନାହିଁ ।
ସେହିପରି ଦୁର୍ଘଟଣାରେ ଆଉ ଦୁଇ ଆହତଙ୍କ ଅବସ୍ଥା ଗୁରୁତର ଅଛି। ଘଟଣାସ୍ଥଳରେ ପୋଲିସ ଏବଂ ଅଗ୍ନିଶମ ବାହିନୀ ପହଞ୍ଚି ମୃତାହତଙ୍କୁ ଉଦ୍ଧାର କରିଛନ୍ତି । ପୋଲିସ ଘଟଣାର ତଦନ୍ତ କରୁଛି ।
Comments are closed.