ଲୋକସଭା ନିର୍ବାଚନ ଲଢ଼ିବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଦଳୀୟ ନେତୃତ୍ବଙ୍କୁ କରାଇଲେ ଅବଗତ

ଭୁବନେଶ୍ୱର: ୨୦୨୪ରେ ଓଡିଶାରୁ ବିଜେପି ଟିକେଟରେ ନିର୍ବାଚନ ଲଢିବାକୁ ଇଚ୍ଛା ପ୍ରକାଶ କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସେ କହିଛନ୍ତି ଯେ ସେ ତାଙ୍କ ନିଷ୍ପତ୍ତି ସମ୍ପର୍କରେ ଦଳୀୟ ନେତୃତ୍ବଙ୍କୁ ଅବଗତ କରାଇ ସାରିଛନ୍ତି, କିନ୍ତୁ ସେମାନଙ୍କ ନିଷ୍ପତ୍ତିକୁ ସେ ମାନିବେ।

ବର୍ତ୍ତମାନ ରାଜ୍ୟସଭା ସଦସ୍ୟ ଥିବା ଧର୍ମେନ୍ଦ୍ର ପ୍ରଧାନ ବିହାର ଓ ମଧ୍ୟପ୍ରଦେଶରୁ ଦୁଇ ଥର ରାଜ୍ୟସଭାକୁ ନିର୍ବାଚିତ ହୋଇଛନ୍ତି। ସେହିପରି ୨୦୦୦ ମସିହାରୁ ୨୦୦୪ ମସିହା ଯାଏଁ ଓଡ଼ିଶାର ପାଲଲହଡା ବିଧାନସଭା ନିର୍ବାଚନ ମଣ୍ଡଳୀରୁ ବିଧାୟକ ଓ ପରେ ୨୦୦୪ ମସିହାରେ ଦେବଗଡ଼ରୁ ସାଂସଦ ଭାବେ ନିର୍ବାଚିତ ହୋଇଥିଲେ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯେପରି ତୃତୀୟ ଥର ପାଇଁ ନିର୍ବାଚିତ ହେବେ ସେଥିପାଇଁ ସେ ସବୁ ପ୍ରକାର ସହଯୋଗ କରିବାକୁ ଚାହୁଁଛନ୍ତି ବୋଲି ଧର୍ମେନ୍ଦ୍ର ପ୍ରଧାନ କହିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ବିଜେପି ସମସ୍ତ ନିର୍ବାଚନକୁ ଗମ୍ଭୀରତାର ସହ ନେଇଛି ଏବଂ ବିରୋଧୀଙ୍କୁ ହରାଇବା ପାଇଁ ସମସ୍ତ ଶକ୍ତିକୁ ଏକାଠି କରିବ।

୨୦୨୪ ନିର୍ବାଚନରେ ଓଡିଶାରେ ବିଜେପିକୁ କଡା ଟକ୍କର ମିଳିବ ବୋଲି କୁହାଯାଉଛି। ଶାସକ ବିଜୁ ଜନତା ଦଳ ଗତ ପାଞ୍ଚ ବର୍ଷ ଧରି ରାଜ୍ୟରେ ଶାସନ କରୁଥିବା ବେଳେ ଏହାର ନେତୃତ୍ୱ ନେଉଛନ୍ତି ଲୋକପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।