ଥାନାକୁ ସମ୍ପୂର୍ଣ୍ଣ ଭାବେ ଫୁଲ ଓ ବେଲୁନ୍ରେ ସଜ୍ଜା ଯାଇଥିଲା । କିଛି ଥାନା କର୍ମଚାରୀ ଡ଼୍ୟୁଟି କରୁଥିବା ବେଳେ ଆଉ କିଛି ସାଜ୍ଜସଜ୍ଜାରେ ଲାଗି ପଡ଼ିଥିଲେ । ସେଠାରେ ଉତ୍ସବର ଆୟୋଜନ କରାଯାଇଥିଲା । ତାହା ପୁଣି ଗୋଦ୍ ଭରାଇ କାର୍ଯ୍ୟକ୍ରମ । ଏହା ଶୁଣିବା ପରେ ଟିକେ ଖଟକା ଲାଗିପାରେ । ହେଲେ ଏମିତି ଘଟଣା ଦେଖିବାକୁ ମିଳିଛି ମଧ୍ୟପ୍ରଦେଶରେ ।
ମଧ୍ୟପ୍ରଦେଶର ସେହୋର ଜିଲ୍ଲାର ବୁଦ୍ଧନି ତହସିଲ ଅଧୀନରେ ରହିଛି ଶାହାଗଞ୍ଜ ଥାନା । ଥାନାର ଆସିଷ୍ଟାଣ୍ଡ ସବ୍ ଇନ୍ସପେକ୍ଟର ପୁନମ୍ ରାୟ ଗର୍ଭବତୀ ହୋଇଥିଲେ । ଗର୍ଭବତୀ ହୋଇ ମଧ୍ୟ ସେ ଡ଼୍ୟୁଟି କରୁଥିଲେ । ତେଣୁ ଥାନାରେ ଏଏସଆଇଙ୍କ ଗୋଦ୍ ଭରାଇ କାର୍ଯ୍ୟକ୍ରମ ଥାନା କର୍ମଚାରୀଙ୍କ ସହ ପାଳନ କରିବାକୁ ଥାନା ଅଧିକାରୀ ନିଷ୍ପତ୍ତି ନେଲେ । ଏଥିରେ ଥାନାର ସମସ୍ତ କର୍ମଚାରୀ ସହମତି କଲେ । ପରେ ସମସ୍ତେ ଏହି ଉତ୍ସବ ପାଳନ କରିବାକୁ ପ୍ରସ୍ତୁତି କରିବାରେ ଲାଗିପଡ଼ିଲେ । ହିନ୍ଦୁ ରୀତିନୀତି ଅନୁଯାୟୀ ଏଏସଆଇ ପୁନମଙ୍କ ଗୋଦ୍ ଭରାଇ କାର୍ଯ୍ୟକ୍ରମ ଥାନା ପରିସରରେ ଧୁମ୍ଧାମ୍ରେ ପାଳନ କରାଗଲା । ଏହି ଖୁସିର ମୁହୁର୍ତ୍ତର ଫଟୋ ସୋସିଆଲ ମିଡ଼ିଆରେ ପୋଷ୍ଟ ହୋଇଛି । ମଧ୍ୟପ୍ରଦେଶ ପୋଲିସର ଏପରି ପଦକ୍ଷେପକୁ ସାଧାରଣରେ ପ୍ରଶଂସା କରାଯାଇଛି ।
Comments are closed.