ଯେତେବେଳେ ବର୍ଷା ଆସେ ମୟୂରମାନେ ସେମାନଙ୍କ ଡେଣା ଖୋଲି ନାଚିବା ଆରମ୍ଭ କରନ୍ତି । କିନ୍ତୁ ଆପଣ କେବେ ବୁଡ଼ିଆଣୀ ପୁଛ ମେଲାଇ ନାଚୁଥିବାର ଦେଖିଛନ୍ତି । ଏବେ ସେମିତି ଏକ ବୁଡ଼ିଆଣୀର ଭିଡ଼ିଓ ଭାଇରାଲ ହେବାରେ ଲାଗିଛି, ଯେଉଁଠି ଗୋଟେ ବୁଡ଼ିଆଣୀ ଠିକ୍ ମୟୂର ସଦୃଶ ପୁଚ୍ଛ ମେଲାଇ ନାଚୁଛି ।
ଲୋକ ହୁଅନ୍ତୁ ବା ପିଲା ସମସ୍ତେ ବୁଡ଼ିଆଣୀକୁ ଭୟ କରନ୍ତି । ଯେବେଠୁୁ ସ୍ପାଇଡରମ୍ୟାନ୍ ଫିଲ୍ମ ଆସିଲା ସେବେଠାରୁ ପିଲାମାନଙ୍କ ମନରେ ସ୍ପାଇଡର ଭୟ କମିଗଲା । କିନ୍ତୁ ଆଜି ଆମେ ଆପଣଙ୍କୁ ଦୁନିଆର ସବୁଠାରୁ ସୁନ୍ଦର ବୁଡ଼ିଆଣୀ ବିଷୟରେ କହିବାକୁ ଯାଉଛୁ । ଏହି ବୁଡ଼ିଆଣୀର ନାମ ହେଉଛି ପିକ୍ଅକ୍ ସ୍ପାଇଡର୍ । ଆପଣ ନିଶ୍ଚୟ ଭାବୁଥିବେ ଯେ ଏକ ବୁଡ଼ିଆଣୀ କିପରି ମୟୂର ପରି ଦେଖାଯିବ? ସୋସିଆଲ ମିଡିଆରେ ଏହି ବୁଡ଼ିଆଣୀର ଭିଡିଓ ସେୟାର କରାଯାଇଥିଲା । ଏହା ଦେଖିବାକୁ ବହୁତ ସୁନ୍ଦର । ସେ ଡେଣା ମେଲାଇ ମୟୂର ପରି ନାଚୁଥିବାର ନଜର ଆସିଛି ।
ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ଯେ, ଏକ ବୁଡ଼ିଆଣୀଟି ପ୍ରଥମେ ତାହାର ରଙ୍ଗୀନ ଡେଣା ଖୋଲିଥିଲା । ପରେ ଗୋଡକୁ ଉପରକୁ ଉଠାଇ ଏଠାରୁ ସେଠାକୁ ଆରାମରେ ଡ଼େଇଁଥିଲା । ପରେ ମୟୂର ପରି ନାଚିବାକୁ ଲାଗିଲା । ଏହି ଭିଡିଓ ଦେଖିବା ପରେ ଲୋକମାନଙ୍କର ମୟୂରର ନାଚ ମନେ ପଡ଼ିଗଲା । ପ୍ରଥମ ଥର ପାଇଁ ଲୋକମାନେ ଏପରି ସୁନ୍ଦର ବୁଡ଼ିଆଣୀ୍ ଦେଖିବାକୁ ପାଇଛନ୍ତି । ଏହି ଭିଡ଼ିଓକୁ ଅନେକ ପସନ୍ଦ କରିଛନ୍ତି ।
Comments are closed.