ମୁମ୍ବାଇ: ବିକି କୌଶଲଙ୍କ ଅପକମିଂ ଫିଲ୍ମ ‘ମହାବତାର’ ର ଫାଷ୍ଟ ଲୁକ୍ ସାମ୍ନାକୁ ଆସିଛି। ଅମର କୌଶିକଙ୍କ ନିର୍ଦ୍ଦେଶିତ ଏହି ଫିଲ୍ମଟି ପୌରାଣିକ କଥାବସ୍ତୁ ଉପରେ ଆଧାରିତ।
ବିକି ଏହି ଫିଲ୍ମରେ ଚିରଞ୍ଜୀବୀ ପର୍ଶୁରାମଙ୍କ ଭୂମିକାରେ ଅଭିନୟ କରୁଛନ୍ତି। ତେବେ ଏହି ଫିଲ୍ମ ଟି ଦୀନେଶ ବିଜାନଙ୍କ ପ୍ରଡକ୍ସନ୍ ହାଉସ୍ ମ୍ୟାଡଡକ୍ ଫିଲ୍ମସ୍ ବ୍ୟାନରରେ ନିର୍ମିତ ହେବାକୁ ଯାଉଛି।
ତେବେ ମହାବତାର ଫିଲ୍ମରେ ବିକି କୌଶଲ ବଡବଡ ଦାଢି, ନିଶ ଓ ଲମ୍ବା କେଶରେ ନଜର ଆସୁଛନ୍ତି। ତାଙ୍କ ଉଗ୍ର ରୂପ ଦେଖିଲେ ଫ୍ୟାନ୍ସ ନିଶ୍ଚୟ ଚକିତ ହୋଇପଡିବେ। ସେ ହାତରେ ଏକ କୁରାଢି ଧରିଥିବାର ମଧ୍ଯ ନଜର ଆସିଛନ୍ତି।
ଫିଲ୍ମର ପୋଷ୍ଟର ସହିତ ନିର୍ମାତାମାନେ ‘ମହାବତାର’ର ରିଲିଜ୍ ତାରିଖ ମଧ୍ୟ ଘୋଷଣା କରିଛନ୍ତି। ଏହି ଫିଲ୍ମଟି ୨୦୨୬ ମସିହା ଖ୍ରୀଷ୍ଟମାସ ଅବସରରେ ମୁକ୍ତିଲାଭ କରିବ। ତେବେ ବିକି କୌଶଲଙ୍କ ଏହି ଲୁକକୁ ଲୋକମାନେ ବହୁତ ପସନ୍ଦ କରୁଛନ୍ତି।
Comments are closed.