ଭିଜିଲାନ୍ସ ଜାଲରେ ଟିପିଏସଓଡିଏଲ୍‌‌ ଜେନେରାଲ ମ୍ୟାନେଜର

ବ୍ରହ୍ମପୁର: ଟାଟା ପାୱାର ସଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ୍‌‌ ଲିମିଟେଡ୍‌‌(ଟିପିଏସଓଡିଏଲ୍‌‌)ର ଜେନେରାଲ ମ୍ୟାନେଜର ପ୍ରମୋଦ କୁମାର ଚୌଧୁରୀଙ୍କ ଘରେ ଭିଜିଲାନ୍ସ ଚଢ଼ଉ ହୋଇଛି। ଓଡ଼ିଶା ଭିଜିଲାନ୍ସ ପକ୍ଷରୁ ଏକକାଳୀନ ପୁରୀ ଏବଂ ଗଞ୍ଜାମ ଜିଲାର ୧୦ଟି ସ୍ଥାନରେ ଚଢ଼ଉ ଚାଲିଛି। ଚଢ଼ଉରେ ଜଣେ ଅତିରିକ୍ତ ଏସପି, ୩ଜଣ ଡିଏସପି, ୧୨ଜଣ ଇନ୍ସପେକ୍ଟର ଏବଂ ୧୨ଜଣ ଏସଆଇ ଏବଂ ଏଏସଆଇ ସାମିଲ ହୋଇଛନ୍ତି। ବ୍ରହ୍ମପୁର ସ୍ୱତନ୍ତ୍ର ଭିଜିଲାନ୍ସ ଜର୍ଜଙ୍କ ୱାରେଣ୍ଟ ବଳରେ ଚଢ଼ଉ କରାଯାଇଛି। ବ୍ରହ୍ମପୁର ସହରର ସିଦ୍ଧାର୍ଥ ନଗର ପ୍ରଥମ ଲେନସ୍ଥିତ ତିନି ମହଲା ଘର, ବ୍ରହ୍ମପୁର ଆଙ୍କୁଲି ଶଶିଭୂଷଣ ନଗର ତୃତୀୟ ଲେନର ଦୁଇ ମହଲା ଘର, ଗୋପାଳପୁର ହରିପୁର ଗ୍ରାମର ଦୁଇ ମହଲା ଘର, ବ୍ରହ୍ମପୁର ସହର ଉପକଣ୍ଠ ଗଉଞ୍ଜୁ ସିସ୍ଥ ଫାର୍ମ ଆଉସ୍‌‌, ପୁରୀର ପିପିଲି ସ୍ଥିତ ଫ୍ଲାଟ୍‌‌, ବ୍ରହ୍ମପୁର ସହର ଉପକଣ୍ଠ ଆମ୍ବପୁଆର ଦୁଇ ବିଏଚକେ ଘର, ବାଳକୃଷ୍ଣପୁର ପୈତୃକ ଘର, ଲୋଚାପଡ଼ା ମା ଭୈରବୀ ଟ୍ରେଡର୍ସ ଦୋକାନ ଏବଂ ବ୍ରହ୍ମପୁର କୋର୍ଟପେଟାସ୍ଥତ କାର୍ଯ୍ୟାଳୟରେ ଚଢ଼ଉ କରାଯାଇଛି।