ମେଲବୋର୍ଣ୍ଣ: ଭାରତ ଓ ଅଷ୍ଟ୍ରେଲିଆ ମଧ୍ୟରେ ବର୍ଡର-ଗାଭାସ୍କର ଟ୍ରଫିର ୪ର୍ଥ ଟେଷ୍ଟ ଏଠାରେ ଗୁରୁବାରଠାରୁ ଆରମ୍ଭ ହୋଇଛି । ପ୍ରଥମ ଦିବସରେ ଅଷ୍ଟ୍ରେଲିଆ ପକ୍ଷରୁ ଆନ୍ତର୍ଜାତୀୟ ପଦାର୍ପଣ କରିଥିବା ଯୁବ ବ୍ୟାଟ୍ସମ୍ୟାନ ସ୍ୟାମ କୋନ୍ସାଟସ ଓ ବିରାଟ କୋହଲିଙ୍କ ବିବାଦ ଚର୍ଚ୍ଚାର କାରଣ ସାଜିଛି । ତେବେ ପୂର୍ବ କ୍ରିକେଟରମାନେ କୋହଲିଙ୍କୁ ଏହି ବିବାଦୀୟ ଘଟଣା ପାଇଁ ଦାୟୀ କରିଛନ୍ତି । ମ୍ୟାଚର ୧୧ତମ ଓଭରରେ ସେ ଯଶପ୍ରୀତ ବୁମରାହଙ୍କ ବୋଲିଂରେ ୨ଟି ଚୌକା ଓ ଗୋଟିଏ ଛକା ମାରିଥିଲେ । ତୃତୀୟ ବଲ ବେଳକୁ କୋହଲି ନନ ଷ୍ଟ୍ରାଇକର ପଟୁ ଆସୁଥିବା ବେଳେ କୋନ୍ସାଟସ ସହ ତାଙ୍କର ଧକ୍କା ହୋଇଥିଲା । କୋନ୍ସାଟସ ପଛକୁ ବୁଲି କୋହଲିଙ୍କୁ କଣ କହିଥିଲେ । କୋହଲି ମଧ୍ୟ ଏହାର ଜବାବ ଦେଇଥିଲେ । ଅମ୍ପାୟରଙ୍କ ହସ୍ତକ୍ଷେପ ପରେ ଏହା ସମାଧାନ ହୋଇଥିଲା । ପୂର୍ବରୁ ମହମ୍ମଦ ସିରାଜଙ୍କ ସହ ମଧ୍ୟ ତାଙ୍କର ଯୁକ୍ତିତର୍କ ହୋଇଥିଲା ।
ସୁନୀଲ ଗାଭାସ୍କର ଏ ଭଳି ଘଟଣା ଏଡାଇଦେବା ଜଣେ ଖେଳାଳିଙ୍କ ପାଇଁ ବୁଦ୍ଧିମାନର କାମ । ଆପଣ କୌଣସି ବ୍ୟସ୍ତ ସଡକରେ ଯାଉ ନାହାନ୍ତି । ଜଣେ ହଟିଗଲେ ଛୋଟ ହୋଇ ଯିବନି ବୋଲି ସେ କହିଛନ୍ତି । ଏବେ ଏହି ଦୁଇ ଖେଳାଳିଙ୍କ ବିରୋଧରେ ଆଇସିସି କଣ କାର୍ଯ୍ୟାନୁଷ୍ଠାନ ଗ୍ରହଣ କରୁଛି ସେଥିପ୍ରତି ସମସ୍ତଙ୍କ ନଜର ରହବ । ଇଂଲଣ୍ଡର ପୂର୍ବତନ ଅଧିନାୟକ ମାଇକେଲ ଭନ ସିଧାସଳଖ କୋହଲିଙ୍କୁ ଦାୟୀ କରିଛନ୍ତି । ଜଣେ ଅନୂଭବୀ ଖେଳାଳିଙ୍କ ନିକଟରେ ଏ ପରି କାର୍ଯ୍ୟ ଶୋଭନୀୟ ନୁହେଁ ।