୧୫ ମିଲିୟନରୁ ଅଧିକ ମୂଲ୍ୟରେ ନିଲାମ ହେବ ଦୁନିଆର ପ୍ରଥମ SMS

ନୂଆଦିଲ୍ଲୀ: ଟେଲିକମ୍ କମ୍ପାନୀ ଭୋଡାଫୋନ୍ ଦୁନିଆର ପ୍ରଥମ ଏସ୍ଏମ୍ଏସ୍ ନିଲାମ କରିବାକୁ ଯାଉଛି। ଏହି ଦୁନିଆର ପ୍ରଥମ SMS ଥିଲା। ଯାହା ୧୪ ଟି ଶବ୍ଦରେ ଥିଲା। ଏହା ୧.୫ କୋଟିରୁ ଅଧିକ ମୂଲ୍ୟରେ ନିଲାମ ହେବାକୁ ଯୋଜନା କରାଯାଉଛି। କମ୍ପାନୀ କହିଛି ଯେ ଏହି SMS କୁ ଏକ (NFT) ଭାବରେ ନିଲାମ କରିବ।

କମ୍ପାନୀ ଏହାର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ପୋଷ୍ଟ କରିଛି ଯେ ଏହା ଭୋଡାଫୋନର ପ୍ରଥମ NFT ଏବଂ ବିଶ୍ବର ପ୍ରଥମ SMS ନିଲାମ କରିବା ପାଇଁ କମ୍ପାନୀ ଏହାକୁ NFT ରେ ରୂପାନ୍ତର କରୁଛି। ଏହି ନିଲାମରେ ୨ ଲକ୍ଷ ଡଲାରରୁ ଅଧିକ (ପ୍ରାୟ ୧,୫୨,୪୮,୩୦୦ ଟଙ୍କା) ବୃଦ୍ଧି ହେବ ବୋଲି ଆଶା କରାଯାଉଛି। ଶରଣାର୍ଥୀଙ୍କୁ ସାହାଯ୍ୟ କରିବା ପାଇଁ କମ୍ପାନୀ ନିଲାମ ଅର୍ଥ ଦାନ କରିବ।

ଭୋଡାଫୋନ୍ ନେଟୱାର୍କ ମାଧ୍ୟମରେ ଡିସେମ୍ବର ୩, ୧୯୯୨ ରେ ଦୁନିଆର ପ୍ରଥମ SMS ପଠାଯାଇଥିଲା। ପ୍ରାୟ ତିନି ଦଶନ୍ଧି ପୂର୍ବରୁ ପଠାଯାଇଥିବା ଏହି SMS ରେ ‘ମେରୀ ଖ୍ରୀଷ୍ଟମାସ’ର ବାର୍ତ୍ତା ଥିଲା। ଏହାକୁ ଭୋଡାଫୋନର ଜଣେ କର୍ମଚାରୀ ରିଚାର୍ଡ ଜାରଭିସ୍ ଗ୍ରହଣ କରିଥିଲେ। ଦୁନିଆର ପ୍ରଥମ SMS NFT ଅଗଷ୍ଟ ୨୧ ରେ ପ୍ୟାରିସରେ ନିଲାମ ହେବ। ନିଲାମରେ ବିଡିଂ ପାଇଁ ଅନଲାଇନରେ ମଧ୍ୟ ଅଂଶଗ୍ରହଣ କରିପାରିବେ।