ଲଣ୍ଡନ: ଚେକ ରିପବ୍ଲିକର ମାର୍କେଟା ଭୋଣ୍ଡ୍ରୁସୋଭା ଚଳିତ ୱିମ୍ବେଳଡନ ଓପନ ଟେନିସ ଟୁର୍ଣ୍ଣାମେଂଟର ମହିଳା ସିଙ୍ଗଲ୍ସ ଟାଇଟଲ ହାସଲ କରିଛନ୍ତି । ଫାଇନାଲରେ ସେ ଟ୍ୟୁନିସିଆର ଓନ୍ସ ଜେବେୟରଙ୍କୁ ୬-୪, ୬-୪ ସିଧାସଳଖ ସେଟରେ ପରାସ୍ତ କରିଥିଲେ । ମାର୍କେଟାଙ୍କ ଏହା ପ୍ରଥମ ଗ୍ରାଣ୍ଡସ୍ଲାମ ଟାଇଟଲ । ଚେକ ରିପବ୍ଲିକର ତୃତୀୟ ମହିଳା ଖେଳାଳି ଭାବେ ସେ ଏହି ସଫଳତା ହାସଲ କରିଛନ୍ତି । ତାଙ୍କ ପୂର୍ବରୁ ଜାନା ନୋଭାତ୍ନା ଓ ପେତ୍ରା କ୍ୱିଟୋଭା ଏହି ଟାଇଟଲ ହାସଲ କରିଛନ୍ତି ।
ତେବେ ମାର୍କେଟା ପ୍ରଥମ ଅଣ ସିଡେଡ ଖେଳାଳିଭାବେ ଏହି କୀର୍ତିମାନ ସ୍ଥାପନ କରିଛନ୍ତି । ଅପରପକ୍ଷରେ ଜେବେୟର ଦ୍ୱିତୀୟ ଥର ପାଇଁ ୱିମ୍ବେଲଡନର ଫାଇନାଲରେ ପରାଜିତ ହୋଇଛନ୍ତି । ମାର୍କେଟା ୟୁଏସ ଓପନ ଫାଇନାଲରେ ପରାଜିତ ହୋଇଥିଲେ ମଧ୍ୟ ୱିମ୍ବେଲଡନରେ ଏହି ସୁଯୋଗ ହାତଛଡା କରି ନାହାନ୍ତି । ଆରମ୍ଭରୁ ଜେବେୟର ଭଲ ପ୍ରଦର୍ଶନ କରିଥିଲେ ମଧ୍ୟ ମାର୍କେଟା ତାଙ୍କ ହାତରୁ ମ୍ୟାଚ ଛଡେଇ ନେଇଥିଲେ ।
Comments are closed.