ଅହମ୍ମଦାବାଦ: ଭାରତର ଅଲିମ୍ପିକ୍ସ ଆୟୋଜନ ଉଜ୍ଜୀବୀତ ହୋଇଛି । ୨୦୩୬ ସମର ଅଲିମ୍ପିକ୍ସ ଆୟୋଜନ ଅଧିକାର ପାଇଁ ଆନ୍ତର୍ଜାତୀୟ ଅଲିମ୍ପିକ କମିଟି ସହ ଆଲୋଚନା କରାଯାଉଛି ବୋଲି ଆଇଓଏ ସଭାପତି ନରିନ୍ଦର ବାତ୍ରା କହିଛନ୍ତି । ମୋଟେରା ଗ୍ରାଉଣ୍ଡ ଉଦଘାଟନୀ ଉତ୍ସବ ପାଇଁ ସର୍ବଶ୍ରେଷ୍ଠ ବୋଲି ବାତ୍ରା କହିଛନ୍ତି । ଯଦି ଆମକୁ ସୁଯୋଗ ମିଳେ ତାହାହେଲେ ୩/୪ଟି ସହରରେ ଏହାକୁ ଆୟୋଜିତ କରାଯାଇପାରେ ।
ଆଗାମୀ ୨ରୁ ୩ବର୍ଷ ମଧ୍ୟରେ ଏ ନେଇ ସ୍ଥିତି ସ୍ପଷ୍ଟ ହୋଇଯିବ ବୋଲି ସେ କହିଛନ୍ତି । ଆଇଓସି ନୂତନ ବିଡ ପ୍ରୋସେସ ଆରମ୍ଭ କରିବାକୁ ଯାଉଛି । ଅଷ୍ଟ୍ରେଲିଆ ୨୦୩୨ରେ ଅଲିମ୍ପିକ୍ସ ଆୟୋଜନ ନେଇ ଆଗ୍ରହ ପ୍ରକାଶ କରିସାରିଛି । ଆମେ ଏହା ପରେ ୨୦୩୬ ସ୍ଲଟକୁ ବ୍ୟଗ୍ରତା ସହକାରେ ଅପେକ୍ଷା କରିଛୁ ବୋଲି ବାତ୍ରା କହିଛନ୍ତି ।
Comments are closed.