ନୂଆଦିଲ୍ଲୀ: ଆଜି ମୁସଲମାନଙ୍କ ପର୍ବ ଇଦ-ଉଲ-ଫିତର । ଏକ ମାସର ବ୍ରତ ପରେ, ପବିତ୍ର ରମଜାନ ମାସ ଶେଷ ହେବାରୁ ସମଗ୍ର ଦେଶ ଇଦ୍-ଉଲ୍-ଫିତର ପର୍ବ ପାଳନ କରୁଛି । ତେବେ ରବିବାର ରାତିରେ ଦେଶରେ ଇଦ୍-ଉଲ୍-ଫିତରର ଚାନ୍ଦ ଦୃଶ୍ୟମାନ ହୋଇଥିବା ବେଳେ ଚାନ୍ଦ ଦେଖିବା ପରଠାରୁ ମୁସଲମାନ ସମ୍ପ୍ରଦାୟର ଲୋକମାନେ ବଡ ଧୁମଧାମରେ ସମଗ୍ର ଦେଶରେ ଇଦ୍ ପାଳନ କରୁଛନ୍ତି ।
ତେବେ ଏହି ସମୟରେ ପ୍ରାୟତଃ ସରକାରୀ କାର୍ଯ୍ୟାଳୟ ଠାରୁ ଆରମ୍ଭ କରି ବିଦ୍ୟାଳୟ, କଲେଜ, ବ୍ୟାଙ୍କ ସବୁ କିଛି ଛୁଟି ରହିଥାଏ । ହେଲେ ଆଶ୍ଚର୍ଯ୍ୟର କଥା ହେଉଛି, ଆଜି ବ୍ୟାଙ୍କଗୁଡିକ ଖୋଲା ଅଛି । ହେଲେ କାହିଁକି? ଇଦରେ ଯେଉଁଠି ସମସ୍ତ ସରକାରୀ କାର୍ଯ୍ୟାଳୟ ବନ୍ଦ ରହିଛି ସେଠି ବ୍ୟାଙ୍କଗୁଡିକ କାହିଁକି ଏଥର ଇଦ୍ ଅବସରରେ ଛୁଟି ପାଳନ କରିନାହାନ୍ତି ?
ଆରବିଆଇ ନିର୍ଦ୍ଦେଶାନାମା ଅନୁଯାୟୀ, ବ୍ୟାଙ୍କଗୁଡିକ ଆଜି ଅର୍ଥାତ୍ ୩୧ ମାର୍ଚ୍ଚରେ ଖୋଲାରହିବ । ଛୁଟି ବାତିଲ୍ ନେଇ ଆରବିଆଇ କହେ, ଆଜି ମାର୍ଚ୍ଚ ୩୧, ୨୦୨୪ ଆର୍ଥିକ ବର୍ଷର ଶେଷ ଦିନ । ହୋଇଥିବାରୁ ବ୍ୟାଙ୍କ କର୍ମଚାରୀଙ୍କ ଛୁଟି ବାତିଲ କରାଯାଇଛି। ଯାହାକୁ ନେଇ ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ବ୍ୟାଙ୍କଗୁଡିକରେ ଇଦ୍ ଛୁଟି ବାତିଲ କରିଛି । ହେଲେ ଆସନ୍ତାକାଲି, ଅର୍ଥାତ୍ ୧ ଏପ୍ରିଲରେ ବ୍ୟାଙ୍କଗୁଡିକ ଛୁଟି ରହିବ । ଏହାପରେ ଏପ୍ରିଲ୍ ୨ ରୁ ସାଧାରଣ ଗ୍ରାହକଙ୍କ ପାଇଁ ବ୍ୟାଙ୍କିଙ୍ଗ୍ ସୁବିଧା ଉପଲବ୍ଧ ହେବ ।
ତେବେ ଆଜି ସାଧାରଣ ବ୍ୟାଙ୍କିଂ ଉପଭୋକ୍ତାଙ୍କ ପାଇଁ ବ୍ୟାଙ୍କ ଖୋଲା ନାହିଁ । ଏହା କେବଳ ସରକାରୀ କାରବାର ପାଇଁ ଖୋଲା ରହିଛି । ଏଥିରେ କେବଳ ସରକାରୀ କାରବାର ସହ ଜଡିତ ବ୍ୟବସାୟ ପରିଚାଳନା କାର୍ଯ୍ୟ କରାଯିବ ବୋଲି ଆରବିଆଇ ପକ୍ଷରୁ କୁହାଯାଇଛି । ଆଜି କୌଣସି ସାଧାରଣ ବ୍ୟାଙ୍କିଂ ହେବ ନାହିଁ । ଆର୍ଥିକ ବର୍ଷ ଶେଷ ହେତୁ ଇଦ୍ ଅବସରରେ ବ୍ୟାଙ୍କଗୁଡିକରେ ଛୁଟି ବାତିଲ୍ କରାଯାଇଚି ।
ସେପଟେ ଷ୍ଟକ୍ ମାର୍କେଟ୍ ବି ବନ୍ଦ ରହିଛି । ଆଜି ଷ୍ଟକ୍ ମାର୍କେଟରେ କୌଣସି କାରବାର ହେଉନାହିଁ । ଇଦ୍-ଉଲ୍-ଫିତର ଅବସରରେ ଷ୍ଟକ୍ ମାର୍କେଟ ବନ୍ଦ ରହିବା ନେଇ ସୂଚନା ଦେଇଛି ବିଏସଏଫ ଏବଂ ଏନଏସଏସ ।
Comments are closed.