ମୁମ୍ବାଇ: ବିସିସିଆଇ ମଙ୍ଗଳବାର ବିଳମ୍ବିତ ରାତିରେ ଶ୍ରୀଲଙ୍କା ବିପକ୍ଷ ଦିନିକିଆ ଏବଂ ଟି -୨୦ ସିରିଜ ପାଇଁ ଖେଳାଳି ତାଲିକା ଘୋଷଣା କରିଛି। ଦଳର ଶେଳାଳି ତାଲିକା ଘୋଷଣା ହେବା ପରେ ଗୋଟିଏ କଥା ଆଶ୍ଚର୍ଯ୍ୟଜନକ ଥିଲା। ଏହି ଦୁଇ ଫର୍ମାଟ ଖେଳରେ ଯୁବ ୱିକେଟ୍ କିପର-ବ୍ୟାଟ୍ସମ୍ୟାନ୍ ଋଷଭ ପନ୍ତଙ୍କ ନା ନାହିଁ।
ପୂର୍ବରୁ ଅନୁମାନ କରାଯାଉଥିଲା ଯେ ପନ୍ତଙ୍କୁ ହସ୍ପିଟାଲରୁ ଡିସଚାର୍ଜ କରାଯାଇଥିଲା କିନ୍ତୁ ବର୍ତ୍ତମାନ ଖବର ଆସିଛି ଯେ ପନ୍ତ ଆହତ ହୋଇଛନ୍ତି ଏବଂ ତାଙ୍କୁ ଜାତୀୟ କ୍ରିକେଟ୍ ଏକାଡେମୀକୁ ରିପୋର୍ଟ କରିବାକୁ କୁହାଯାଇଛି ବୋଲି ଖବର ସରବରାହ ସଂସ୍ଥା ପିଟିଆଇ ପକ୍ଷରୁ କୁହାଯାଇଛି।
ପନ୍ତଙ୍କର ଆଣ୍ଠୁଗଣ୍ଠି ସମସ୍ୟା ଅଛି ଏବଂ ତେଣୁ ତାଙ୍କୁ ଦୁଇ ସପ୍ତାହର ପୁନର୍ବାସ ପାଇଁ ଏନସିଏକୁ ରିପୋର୍ଟ କରିବାକୁ କୁହାଯାଇଛି। ସେଥିପାଇଁ ସେ ଶ୍ରୀଲଙ୍କା ସିରିଜରେ ଖେଳିବେ ନାହିଁ।
ଟିମ୍ ଇଣ୍ଡିଆ ଚୟନକୁ ନେଇ ବିସିସିଆଇ ଦ୍ୱାରା ଜାରି କରାଯାଇଥିବା ପ୍ରେସ ବିଜ୍ଞପ୍ତିରେ ପନ୍ତଙ୍କୁ ବିଶ୍ରାମ ଦିଆଯାଇଛି ନା ଛାଡି ଦିଆଯାଇଛି ତାହା ଉଲ୍ଲେଖ କରାଯାଇ ନାହିଁ। ପନ୍ତ କ୍ରମାଗତ ସୀମିତ ଓଭରରେ ବିଫଳ ହୋଇଥିଲେ ଏବଂ ସେଥିପାଇଁ ଅନୁମାନ କରାଯାଉଥିଲା ଯେ ପନ୍ତଙ୍କୁ ସୀମିତ ଓଭର କ୍ୟାରିୟର ଶେଷ ହୋଇପାରେ କିମ୍ବା ଭଲ ପ୍ରଦର୍ଶନ ନକରିବା ଯାଏ କିଛି ଦିନ ପାଇଁ ବିରତି ନେଇପାରନ୍ତି। ତଥାପି, ଏନେଇ ଚିତ୍ର ସ୍ପଷ୍ଟ ହୋଇନାହିଁ କାରଣ ବିସିସିଆଇ ପନ୍ତଙ୍କ ଆଘାତ ସମ୍ପର୍କରେ ସୂଚନା ଦେଇନାହିଁ, କିମ୍ବା ତାଙ୍କୁ ବାଦ୍ ଦିଆଯାଇ ନାହିଁ କିମ୍ବା ବିଶ୍ରାମ ଦିଆଯାଇ ନାହିଁ।
ଯଦି ପନ୍ତଙ୍କୁ ବ୍ୟାଟସମ୍ୟାନ ଭାବରେ ତାଙ୍କର ପ୍ରଦର୍ଶନ ଦେଖିବା ତାହେଲେ ସୀମିତ ଓଭର ଅପେକ୍ଷା ଏବେ ସେ ଟେଷ୍ଟରେ ଅଧିକ ଭଲ ପ୍ରଦର୍ଶନ କରୁଛନ୍ତି। ନିକଟରେ ସେ ବାଂଲାଦେଶ ଗସ୍ତରେ ଦ୍ୱିତୀୟ ଟେଷ୍ଟ ମ୍ୟାଚର ପ୍ରଥମ ଇନିଂସରେ ୯୩ ରନ୍ ସଂଗ୍ରହ କରିଥିଲେ। ସେ ଇଂଲଣ୍ଡ, ଅଷ୍ଟ୍ରେଲିଆର ଟେଷ୍ଟରେ ଚମତ୍କାର ପ୍ରଦର୍ଶନ କରିଛନ୍ତି।
ଯଦି ଆମେ ଟେଷ୍ଟରେ ତାଙ୍କ ଆକଳନକୁ ଦେଖିବା ତାହେଲେ ପନ୍ତ ହାରାହାରି ୪୩.୬୭ ରେ ୩୩ ଟି ମ୍ୟାଚରେ ୨୨୭୧ ରନ୍ ସ୍କୋର କରିଛନ୍ତି। ଟେଷ୍ଟରେ ତାଙ୍କର ପାଞ୍ଚଟି ଶତକ ଏବଂ ୧୧ ଅର୍ଦ୍ଧ ଶତକ ରହିଛି। ଏଥି ସହିତ ଦିନିକିଆରେ ପନ୍ତଙ୍କ ହାରାହାରି ରେକର୍ଡ ହେଉଛି ୩୪.୬୦। ଟି-୨୦ ରେ ଏହି ବାମହାତୀ ବ୍ୟାଟସମ୍ୟାନଙ୍କ ହାରାହାରି ହେଉଛି ୨୨.୪୩। ସୀମିତ ଓଭରରେ ପନ୍ତ କ୍ରମାଗତ ଭାବରେ ନିରାଶ ହୋଇଛନ୍ତି। ଏଭଳି ପରିସ୍ଥିତିରେ ଆଘାତରୁ ସୁସ୍ଥ ହେବା ପରେ ସେ ଦିନିକିଆ ଏବଂ ଟି୨୦ରେ ସ୍ଥାନ ପାଇବେ କି ନାହିଁ ତାହା ଦେଖିବାକୁ ପଡ଼ିବ।
Comments are closed.