କେନ୍ଦୁଝର : ବାରହା ଶିକାର କରି ମାଂସ ବିକ୍ରି କରୁଥିବା ଘଟଣାରେ ୩ ଜଣଙ୍କୁ ଅଟକ ରଖିଛି ବନ ବିଭାଗ । କେନ୍ଦୁଝର ବନଖଣ୍ଡ ଅଧିନସ୍ଥ ଭୂୟାଁ ଓ ଜୁଆଙ୍ଗ ପିଢ଼ ରେଞ୍ଜ ଗୋନାସିକା ଗ୍ରାମରୁ ଏହି ୩ ଜଣଙ୍କୁ ଅଟକ ରଖାଯାଇଛି । ସେମାନଙ୍କ ଠାରୁ ଏକ କିଲୋ ମାଂସ ସହିତ ଛୁରୀ ଓ ଟାଙ୍ଗିଆ ମଧ୍ୟ ଜବତ କରିଛି ବନ ବିଭାଗ । ଅଟକ ବ୍ୟକ୍ତି ମାନେ ହେଲେ ସାଧବ, ଜୟଦେବ ଓ ନିଶାକର ଜୁଆଙ୍ଗ । ସେମାନେ ଗୁପ୍ତଗଙ୍ଗା ଜଙ୍ଗଲରୁ ବଣୁଆ ବାରହା ଶିକାର କରି ବିକ୍ରି କରୁଥିବା ବେଳେ ଧରା ପଡିଥିଲେ । ସେମାନଙ୍କୁ ବନ ବିଭାଗ ଅଟକ ରଖି ପଚରା ଉଚରା କରୁଥିବା ବେଳେ, ବାରହା ଲୋମ, ରକ୍ତ ଆଦି ଜବତ୍ କରାଯାଇଛି । ଏହାର ଫରେନ୍ସିକ ଯାଞ୍ଚ ପାଇଁ ଭୁବନେଶ୍ବର ପଠାଯିବ । ଦୋଷ ପ୍ରମାଣିତ ହେଲେ ଆଇନ ଅନୁସାରେ ସର୍ବାଧିକ ୭ ବର୍ଷ ଜେଲ ଦଣ୍ଡାଦେଶ ବ୍ୟବସ୍ଥା ରହିଛି ବୋଲି ରେଞ୍ଜ ଅଧିକାରୀ ମାନସ ମୁର୍ମୁ କହିଛନ୍ତି ।
Comments are closed.