ବିମାନ ଭିତରେ ଅନେକ ଘଟଣା ଓ ଅଘଟଣ ବେଳେ ବେଳେ ସାମ୍ନାକୁ ଆସୁଛି । ଆଉ ଏସବୁ ସୋସିଆଲ ମିଡ଼ିଆରେ ଭାଇରାଲ ମଧ୍ୟ ହେଉଛି । ଏବେ ସୋସିଆଲ ମିଡିଆରେ ବିମାନଯାତ୍ରା ସମ୍ପର୍କୀତ ଏମିତି ଏକ ଖବରକୁ ନେଇ ଧୁମ୍ ଚର୍ଚ୍ଚା ହେବାରେ ଲାଗିଛି । ବିମାନ ଭିତରେ ଜଣେ ମହିଳା ନିଜର ଡ୍ରେସ୍ ଖୋଲି ଦେଇଛନ୍ତି । ଏହାସହିତ ବିମାନର କ୍ରିଉ ମେମ୍ବରକୁ ଆକ୍ରମଣ ମଧ୍ୟ କରିଛନ୍ତି । ତେବେ ଏହା ପଛର କାରଣ ଜାଣିଲେ ଆପଣ ଆଶ୍ଚର୍ଯ୍ୟ ହେବେ ।
ଘଟଣାଟି ହେଲା ଏମିତି । ୪୯ ବର୍ଷିୟା ଜଣେ ମହିଳା ବିମାନଯାତ୍ରୀ ବିମାନ ଭିତରେ ଧୁମପାନ କରିବାକୁ ଉଦ୍ୟମ କରିଥିଲେ । କିନ୍ତୁ ନିୟମ ଅନୁସାରେ ବିମାନ ଭିତରେ କ୍ରିଉ ମେମ୍ବରମାନେ ତାଙ୍କୁ ଏଥିପାଇଁ ବାରଣ କଲେ । ଏଥିରେ ଉତ୍କ୍ଷିପ୍ତ ହୋଇ ମହିଳା ଜଣକ ହତ୍ୟା ଧମକ ଦେବା ସହିତ କ୍ରିଉ ମେମ୍ବର ସହ ଯୁକ୍ତିତର୍କ ମଧ୍ୟ କରିଥିଲେ । କଥା ଏତିକିରେ ସରି ନ ଥିଲା । ମହିଳା ଜଣକ କକ୍ପିଟ୍ ଭାଙ୍ଗିବାକୁ ବି ଚେଷ୍ଟା କଲେ । ଏହାସହିତ ସହଯାତ୍ରୀମାନଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ଜଣେ କ୍ରିଉ ମେମ୍ବରଙ୍କୁ ଆକ୍ରମଣ ମଧ୍ୟ କରିଥିଲେ । ପରେ ମହିଳା ଜଣକ ଟଏଲେଟ୍କୁ ଯାଇ ଭିତରୁ ବନ୍ଦ କରିଦେଇଥିଲେ । ଆଉ ଭିତରେ ଥାଇ ଧୁମ୍ରପାନ ବି କଲେ । ଅନ୍ୟପଟେ ମହିଳାଙ୍କ ଏଭଳି ଜିଦ୍ ଦେଖି ଅନ୍ୟ ଯାତ୍ରୀମାନେ ଭୟଭୀତ ହୋଇପଡ଼ୁଥିଲେ । କିଛି ସମୟ ପରେ ଟଏଲେଟ୍ରୁ ବାହାରି ସମସ୍ତଙ୍କ ସାମ୍ନାରେ ନିଜ ପୋଷାକ ଖୋଲିଦେଇଥିଲେ । ଏଭଳି ଦୃଶ୍ୟ ଅନେକ ବିମାନଯାତ୍ରୀଙ୍କୁ ଲଜ୍ଜିତ କରିଥିଲା । କିଛି କ୍ରିଉ ମେମ୍ବର ଓ ଯାତ୍ରୀ ମିଶି ତାଙ୍କୁ ପୋଷାକ ପିନ୍ଧାଇବାକୁ ଚେଷ୍ଟା କରିଥିଲେ । ହେଲେ ମହିଳା ଜଣକ ସେମାନଙ୍କୁ ଖାତିର କରି ନ ଥିଲେ । ପରେ ଫ୍ଲାଇଟ୍ କ୍ୟାପ୍ଟେନ୍ଙ୍କ ନିର୍ଦେଶରେ ମହିଳାଙ୍କୁ ଏକ ହ୍ୟାଣ୍ଡକପ୍ ପକାଯାଇଥିଲା । ଆଉ ବିମାନ ଲ୍ୟାଣ୍ଡ କରିବା ପରେ ତାଙ୍କୁ ପୋଲିସକୁ ହସ୍ତାନ୍ତର କରାଯାଇଥିଲା ।
Comments are closed.