ନୂଆଦିଲ୍ଲୀ: ଦିଲ୍ଲୀର ହୌଜ କାଜି ଅଞ୍ଚଳରେ ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି। ମାଆଙ୍କୁ ଦୁଇଥର ଦୁଷ୍କର୍ମ କରିବା ଅଭିଯୋଗରେ ଜଣେ ବ୍ୟକ୍ତିଙ୍କୁ ଗିରଫ କରିଛି ପୋଲିସ।
ପୀଡିତା ମହିଳା ପୋଲିସକୁ କହିଛନ୍ତି ଯେ ତାଙ୍କ ପୁଅ ତାଙ୍କୁ ତାଙ୍କ ବୁର୍ଖା ଖୋଲିବାକୁ ବାଧ୍ୟ କରିଥିଲା। ସେ ତାଙ୍କୁ ଏକ କୋଠରୀରେ ମଧ୍ୟ ବନ୍ଦ କରି ପିଟିଥିଲା। ମଧ୍ୟ ଦିଲ୍ଲୀର ହୌଜ କାଜି ଅଞ୍ଚଳରେ ଜଣେ ବ୍ୟକ୍ତି ତାଙ୍କ ମାଆଙ୍କୁ ‘ଚରିତ୍ରହୀନ’ ବୋଲି ଅଭିଯୋଗ କରିବା ସହ ଦୁଷ୍କର୍ମ କରିଥିଲେ। ତେବେ ଉକ୍ତ ମହିଳା ନିକଟରେ ସାଉଦି ଆରବରୁ ଫେରିଥିଲେ।
ପୋଲିସ ଅନୁଯାୟୀ, ଅଭିଯୋଗକାରୀ ତାଙ୍କ ୨୫ ବର୍ଷୀୟା ଝିଅ ସହିତ ହୌଜ କାଜି ଥାନାରେ ଅଭିଯୋଗ କରିଛନ୍ତି ଯେ ତାଙ୍କ ପୁଅ ଏହି ମାସରେ ତାଙ୍କୁ ଅନେକ ଥର ମାଡ଼ ମାରିବା ସହ ଯୌନ ନିର୍ଯାତନା ଦେଇଛି।
ତେବେ ଭାରତୀୟ ଦଣ୍ଡ ସଂହିତା (ବିଏନଏସ)ର ଧାରା ଅନୁଯାୟୀ ଏକ ମାମଲା ରୁଜୁ କରାଯିବା ସହ ତଦନ୍ତ ଆରମ୍ଭ ହୋଇଥିବା ନେଇ ଅଧିକାରୀ କହିଛନ୍ତି।
Comments are closed.