କେନ୍ଦୁଝର: ତହସିଲଦାରଙ୍କ ଫୋନ୍ ପରେ ଅଚେତ ହୋଇଗଲେ ଆରଆଇ। କେନ୍ଦୁଝର ଜିଲ୍ଲାର ଘସିପୁରା ତହସିଲଦାର ଜଣେ ମହିଳା ରାଜସ୍ୱ ଇନ୍ସପେକ୍ଟର (ଆରଆଇ)ଙ୍କୁ ଫୋନ୍ ଯୋଗେ ଗାଳିଗୁଲଜ କରିବା ପରେ ଅଚେତ ହୋଇପଡିଥିବା ଜଣାଯାଇଛି।
ଆରଆଇଙ୍କ ସ୍ୱାମୀଙ୍କ ଅଭିଯୋଗ ଅନୁସାରେ ଘସିପୁରାର ତହସିଲଦାର ଗତ କିଛି ମାସ ହେବ ତାଙ୍କ ପତ୍ନୀଙ୍କୁ ହଇରାଣ କରୁଥିଲେ। ତହସିଲଦାର ତାଙ୍କୁ ବାରମ୍ବାର ହଇରାଣ କରୁଥିଲେ ଏବଂ ନିର୍ଯାତନା ମଧ୍ଯ ଦେଉଥିଲେ।
ତାଙ୍କ ପତ୍ନୀ ତଥା କେସଦୁରାପାଲାର ଆରଆଇଙ୍କୁ ତହସିଲଦାର କିଛି ଫାଇଲ ସହିତ ତାଙ୍କ କାର୍ଯ୍ୟାଳୟରେ ପହଞ୍ଚିବାକୁ କହିଥିଲେ। ତେବେ ସେ ଅଧିକାରୀଙ୍କ ନିର୍ଦ୍ଦେଶ ଅନୁସାରେ ଠିକ୍ ସମୟରେ ଅଫିସରେ ପହଞ୍ଚି ପାରିନଥିଲେ। ଯାହାଫଳରେ ତହସିଲଦାର ରାଗିଯାଇ ଗାଳିଗୁଲଜ କରିଥିଲେ।