ଅଷ୍ଟ୍ରେଲିଆରେ ହେବାକୁ ଥିବା ଆଇସିସି ମହିଳା ଟି୨୦ ବିଶ୍ୱକପ ପାଇଁ ଭାରତୀୟ ଦଳର ଘୋଷଣା କରାଯାଇଛି । ହରମନପ୍ରୀତଙ୍କ ନେତୃତ୍ୱରେ ଘୋଷିତ ୧୫ ଜଣିଆ ଦଳରେ ଋଚା ଘୋଷ ଏକମାତ୍ର ନୂଆ ମୁହଁ ଭାବେ ସ୍ଥାନ ପାଇଛନ୍ତି । ଟି୨୦ ବିଶ୍ୱକପ ପୂର୍ବରୁ ଭାରତ ଅଷ୍ଟ୍ରେଲିଆରେ ହେବାକୁ ଥିବା ତ୍ରିରାଷ୍ଟ୍ରୀୟ ସିରିଜ ପାଇଁ ସମାନ ଦଳ ଘୋଷଣା କରିଛି ।
କେବଳ ୧୬ତମ ଖେଳାଳି ଭାବେ ନଜହତ ପରବୀନଙ୍କୁ ଦଳରେ ସାମିଲ କରାଯାଇଛି । ଗ୍ରୁପ ଏ’ରେ ଭାରତ ସ୍ଥାନ ପାଇଛି । ଏଥିରେ ଥିବା ଅନ୍ୟ ଦଳଗୁଡିକ ହେଲା ଅଷ୍ଟ୍ରେଲିଆ, ବାଂଲାଦେଶ, ନ୍ୟୁଜିଲାଣ୍ଡ ଓ ଶ୍ରୀଲଙ୍କା । ୨୧ ଫେବୃୟାରୀରେ ଭାରତ ପ୍ରଥମ ମୁକାବିଲାରେ ଆୟୋଜକ ଅଷ୍ଟ୍ରେଲିଆକୁ ଭେଟିବ ।
ଦଳ : ହରମନପ୍ରୀତ କୌର (ଅଧିନାୟିକା), ସ୍ମୃତି ମାନ୍ଧାନା, ଶେଫାଳୀ ବର୍ମା, ଜେମିମା ରୋଡିଙ୍ଗ୍ସ, ହରଲୀନ ଦେଓଲ, ଦୀପ୍ତି ଶର୍ମା, ବେଦ କୃଷ୍ଣମୂର୍ତି, ଋଚା ଘୋଷ, ତାନିଆ ଭାଟିଆ, ପୁନମ ଯାଦବ, ରାଧା ଯାଦବ, ରାଜେଶ୍ୱରୀ ଗାୟକୱାଡ, ଶିଖା ପାଣ୍ଡେ, ପୂଜା ବସ୍ତରକର ଓ ଅରୁଣଧତି ରେଡୀ ।
Comments are closed.