ନୂଆଦିଲ୍ଲୀ: ପୁଣି ଟ୍ରାକ୍କୁ ଫେରିବ ଦେବାଳିଆ ହୋଇଥିବା ୟେସ୍ ବ୍ୟାଙ୍କ । ୩ ଦିନ ଭିତରେ ଉଠିବ କଟକଣା । ଏନେଇ ସରକାର ସମସ୍ତ ପ୍ରକାର ପ୍ରସ୍ତୁତି ଚଳାଇଛନ୍ତି । ୟେସ୍ ବ୍ୟାଙ୍କର ପୁନରୁଦ୍ଧାର ହେବ ବୋଲି ବିଜ୍ଞପ୍ତି ପ୍ରକାଶ ପାଇଛି । ବିଜ୍ଞପ୍ତି ପ୍ରକାଶ ପାଇବାର ୩ ଦିନ ଭିତରେ ଜମାକାରୀଙ୍କ ଟଙ୍କା ଉଠାଇବା ଉପରେ ଆର୍ବିଆଇ ଯେଉଁ କଟକଣା ଲଗାଇଥିଲା ତାହା ହଟାଇ ଦିଆଯିବ ।
ସେପଟେ ୭ ଦିନ ଭିତରେ ନୂଆ ବୋର୍ଡ ଗଠନ ହେବ । ଏହି ବୋର୍ଡରେ ଏସ୍ବିଆଇର ୨ଜଣ ନିର୍ଦ୍ଦେଶକ ସଦସ୍ୟ ଭାବେ ରହିବେ । ବ୍ୟାଙ୍କ ପରିଚାଳନା ପାଇଁ ଯେଉଁ ବୋର୍ଡ ଗଠନ ହେବ ସେଥିରେ ଅଧ୍ୟକ୍ଷ ଓ ଦୁଇ ଜଣ ନିର୍ଦ୍ଦେଶକଙ୍କୁ ଆର୍ବିଆଇ ନିଯୁକ୍ତ କରିବ ।
ସୂଚନାମୁତାବକ, ୟେସ୍ ବ୍ୟାଙ୍କ ଦେବାଳିଆ ପରିସ୍ଥିତିକୁ ଆସିବା ପରେ ବ୍ୟାଙ୍କର ବୋର୍ଡକୁ ଆର୍ବିଆଇ ଭାଙ୍ଗି ଦେଇଥିଲା । ଏହାପରେ ଏପ୍ରିଲ ୩ ଯାଏଁ ବ୍ୟାଙ୍କରୁ ଟଙ୍କା ଉଠାଇବା ନେଇ କଟକଣା ଲାଗୁ କରିଥିଲା ଅର୍ବିଆଇ ।
Comments are closed.