ସାପ ବିଷଧର ହେଉ ବା ବିଷହୀନ, ସାପର ନାଁ ଶୁଣିଲେ ଯେ କେହି ଲୋକ ଭୟଭୀତ ହୋଇପଡ଼ନ୍ତି । ଯଦି ଆପଣ ଅପ୍ରସ୍ତୁତ ଅଛନ୍ତି ଓ ଏତିକି ବେଳେ କୌଣସି ସାପ ଆପଣଙ୍କ ସାମ୍ନାକୁ ଆସିଗଲା, ହଠାତ୍ କ’ଣ କରିବେ ଆପଣ ? ଏ କ୍ଷେତ୍ରରେ ଅନେକ ଲୋକ ପ୍ରାଣବିକଳରେ ଦୌଡ଼ିଥାନ୍ତି । ହେଲେ ଏବେ ସାପକୁ ନେଇ ଏମିତି ଏକ ଭିଡ଼ିଓ ଭାଇରାଲ ହେବାରେ ଲାଗିଛି, ଯାହାକୁ ଦେଖିଲେ ଆପଣଙ୍କ ଲୋମ ଟାଙ୍କୁରି ଉଠିବ । ଜଣେ ଯୁବକ ୧୨ ଫୁଟ ଲମ୍ବର କିଙ୍ଗ୍କୋବ୍ରା ସହ ଖେଳୁଛନ୍ତି ଓ କିସ୍ କରୁଥିବା ଦେଖିବାକୁ ମିଳିଛି ।
ଅନେକ ଲୋକଙ୍କୁ ଆପଣ ନିଶ୍ଚୟ ଦେଖିଥିବେ ଯେଉଁମାନେ ସାପ ଧରିବାରେ ପାରଙ୍ଗମ । ସେମାନଙ୍କ ପାଇଁ ବିଷଧର ସାପ ଧରିବା ବାମ ହାତର ଖେଳ ପରି । ଏହିପରି ସାହସୀ ଲୋକମାନେ ସାପକୁ ଭୟ କରନ୍ତି ନାହିଁ, ବରଂ ସେମାନେ ସେମାନଙ୍କ ସହ ଏତେ ବନ୍ଧୁତ୍ୱ କରନ୍ତି ଯେ ସେମାନେ ସାପକୁ ମଧ୍ୟ ଭଲ ପାଇବା ଆରମ୍ଭ କରନ୍ତି । ଏହି ଭିଡିଓରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଛି । ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳିଛି ଯେ, ଜଣେ ଯୁବକ ନଦୀ କୂଳରେ ବସିଛନ୍ତି । ତାଙ୍କ ଆଗରେ ୧୨ ଫୁଟର କିଙ୍ଗ୍ କୋବ୍ରା ମଧ୍ୟ ରହିଛି । ସେ ଏହି ବିଷାକ୍ତ ସାପ ସହିତ ଖେଳୁଥିବା ଦେଖିବାକୁ ମିଳିଛି । ପରେ ଯୁବକ ଜଣକ ସାପର ପଛରୁ ଧୀରେ ଧୀରେ ଚୁମ୍ବନ ଦେଉଛନ୍ତି । ହେଲେ ସାପଟି କୌଣସି ହିଂସାତ୍ମକ ପ୍ରତିକ୍ରିୟା ଦେଉନାହିଁ ।
ଏହି ଭିଡିଓ ଦେଖିବା ପରେ କିଛି ଲୋକ ପସନ୍ଦ କରିଥିବା ବେଳେ ଆଉ କିଛି ଲୋକ କଡ଼ା ମନ୍ତବ୍ୟ ଦେଇଛନ୍ତି । ଅଧିକାଂଶ ଉକ୍ତ ଯୁବକଙ୍କ ସାହସକୁ ଧନ୍ୟବାଦ ଦେଇଥିବା ବେଳେ ସତର୍କ ରହିବାକୁ ପରାମର୍ଶ ଦେଇଛନ୍ତି ।
Comments are closed.