ଜୀବନ ନେଲା ଅନ୍‌ଲାଇନ୍ ଗେମ୍, ଋଣଭାରରେ ବୁଡି ଯୁବକଙ୍କ ଆତ୍ମହତ୍ୟା

ଭୁବନେଶ୍ୱର: ଜୀବନ ନେଲା ଅନ୍‌ଲାଇନ୍ ଗେମ୍ l ଅନ୍‌ଲାଇନ୍ ଗେମ୍ ଖେଳି ଋଣଭାରରେ ଯୁବକଙ୍କ ଆତ୍ମହତ୍ୟା ଅଭିଯୋଗ l ଲିଙ୍ଗରାଜ ଥାନା ତିନିମୁଣ୍ଡିଆ ଛକ ଅଞ୍ଚଳରେ ଜୀବନ ହାରିଲେ ୨୨ ବର୍ଷୀୟ ଯୁବକ l ଘରେ ଫାଶି ଲଗାଇ ଆତ୍ମହତ୍ୟା କରିଛନ୍ତି ଯୁବକ l

ସୂଚନା ଅନୁସାରେ, ଯୁବକଙ୍କ ନାମ ଶଶାଙ୍କ ଶେଖ l ସେ ଲିଙ୍ଗରାଜ ଥାନା ଅନ୍ତର୍ଗତ ତିନିମୁଣ୍ଡିଆ ଛକ ଅଞ୍ଚଳରେ ରହୁଥିଲେ l ଅନ୍‌ଲାଇନ୍‌ ଗେମ୍‌ ଖେଳି ଗତ କିଛି ଦିନ ହେବ ଋଣଭାରରେ ବୁଡି ରହିଥିଲେ ଶଶାଙ୍କ l ଋଣଭାର କାରଣରୁ କିଛି ଦିନ ହେବ ମାନସିକ ଚାପରେ ମଧ୍ୟ ରହୁଥିଲେ ଶଶାଙ୍କ l ଶେଷରେ ଆଜି ଘରେ ଫାଶି ଲଗାଇ ଆତ୍ମହତ୍ୟା କରିଥିବା ବେଳେ ତାଙ୍କୁ ଗୁରୁତର ଅବସ୍ଥାରେ କ୍ୟାପିଟାଲ୍‌ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।