ଭୁବନେଶ୍ୱର: ୭୫ ତମ ସ୍ୱାଧୀନତା ଦିବସ ପାଳନ ପ୍ରସ୍ତୁତି ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଆଜି ବୈଠକ ବସିଥିଲା । ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ବୈଠକରେ ଭିଡିଓ କନଫରେନ୍ସିଂ ମାଧ୍ୟମରେ ଯୋଗ ଦେଇଥିଲେ । ମୁଖ୍ୟମନ୍ତ୍ରୀ କହିଥିଲେ- ସ୍ୱାଧୀନତାର ୭୫ ବର୍ଷ ପୂର୍ତ୍ତି ଅବସରରେ ସ୍ମୃତି ଚାରଣ କରିବା ଆମ ସମସ୍ତଙ୍କ ଲାଗି ଗୌରବର ମୁହୂର୍ତ୍ତ । ଏଥିପାଇଁ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ।
Proud moment for all of us to come together and discuss commemoration of 75 years of India’s independence. Congratulate Government of India and Prime Minister Shri @narendramodi ji for taking this initiative. pic.twitter.com/fgSuSUr3L0
— Naveen Patnaik (@Naveen_Odisha) March 8, 2021
ସମୟ ବିତିବା ସହ, ଦେଶର ଯୁବକ ଆମ ପୂର୍ବ ପୁରୁଷଙ୍କ ବଳିଦାନକୁ ମନେ ପକାଇବା ଉଚିତ୍ । ଆମେ ସ୍ୱାଧୀନତା ସଂଗ୍ରାମର ଘଟଣା ଗୁଡ଼ିକ ସହ ସ୍ଥାନ ଗୁଡ଼ିକୁ ହାଇଲାଇଟ୍ କରିବା । ଜଣାଶୁଣା ସଂଗ୍ରାମୀଙ୍କ ବିଷୟରେ ଦେଶବ୍ୟାପୀ ଅବଗତ କରାଇବା ଲାଗି ଆନ୍ଦୋଳନ କରିବା ।
ଦେଶ ସ୍ୱାଧୀନତା ଲାଗି କେବଳ ଭାରତ କାହିଁକି ବିଦେଶରେ ବି ଅନେକ ସଂଗ୍ରାମ ହୋଇଛି । ବିଦେଶରେ ହୋଇଥିବା ସଂଗ୍ରାମକୁ ଆମକୁ ମନେ ରଖିବା ଦରକାର । ଆମ ଦେଶର ପ୍ରତିଷ୍ଠାତା ପିତାଙ୍କୁ ସର୍ବଶ୍ରେଷ୍ଠ ଶ୍ରଦ୍ଧାଞ୍ଜଳି ଜଣାଇ ସମ୍ବିଧାନରେ ସ୍ୱାଧୀନତା ଆନ୍ଦୋଳନର ମୂଲ୍ୟବୋଧ ଓ ନୈତିକତାକୁ ଦର୍ଶାଯାଇଛି । ସ୍ୱାଧୀନତା, ନ୍ୟାୟ ଓ ସମାନତାର ଆଦର୍ଶ ସ୍ୱାଧୀନତା ସଂଗ୍ରାମକୁ ବାଖ୍ୟା କରିଛି । ଆଜିର ପରିସ୍ଥିତିରେ ତାହାକୁ ଆମେ ଦୋହରାଇବା ଆବଶ୍ୟକ ବୋଲି ନବୀନ କହିଛନ୍ତି ।
ବିଶ୍ୱର ଯେ କୌଣସି ସ୍ଥାନରେ ବି ରହୁଥିବା ଭାରତୀୟ ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ସ୍ମୃତି ସମାରୋହ ମାଧ୍ୟମରେ ଜଡ଼ିତ ହେବା ପାଇଁ ଉଦ୍ୟମ ହେଉ । ଜ୍ଞାନ କୌଶଳ ଓ ସାମାଜିକ ଗଣମାଧ୍ୟମ ସହାୟତାରେ ଏହା ହାସଲ କରିବା ସମ୍ଭ ବୋଲି ମୁଖ୍ୟମନ୍ତ୍ରୀ ବକ୍ତବ୍ୟରେ କହିଛନ୍ତି ।
ଗାନ୍ଧିଜୀଙ୍କ ଉକ୍ତିକୁ ଉଦ୍ଧୃତ କରି ମୁଖ୍ୟମନ୍ତ୍ରୀ କହିଛନ୍ତି- ‘ନିଜକୁ ଖୋଜିବାର ସର୍ବଶ୍ରେଷ୍ଠ ଉପାୟ ହେଉଛି ଅନ୍ୟ ମାନଙ୍କ ସେବାରେ ନିଜକୁ ହଜାଇ ଦେବା ।’ ସେବା ଭିତ୍ତିକ କାର୍ଯ୍ୟକ୍ରମ ବିଶେଷ କରି ସମ୍ପ୍ରଦାୟରେ ଯୁବକଙ୍କୁ ଏଥିରେ ସାମିଲ୍ କରିବା କାର୍ଯ୍ୟକ୍ରମର ଅଂଶ ହେଉ ବୋଲି ମୁଖ୍ୟମନ୍ତ୍ରୀ କହିଛନ୍ତି ।