ମାହାଙ୍ଗା : ଜମିବାଡି ବିବାଦରୁ ଗଡିଲା ୫ ମୁଣ୍ଡ । ବଡ ଭାଇର ପରିବାରକୁ ନାଶ କଲା ସାନ ଭାଇ । ରକ୍ତ ଭୁଲିଗଲା ରକ୍ତ ସମ୍ପର୍କ । ମାହାଙ୍ଗା ଥାନା କୁସୁପୁର ଗାଁରେ ବିଭତ୍ସ୍ୟ ହତ୍ୟାକାଣ୍ଡ । ବିଳମ୍ବିତ ରାତିରେ ସାନ ଭାଇ ସାଜିଲା ରକ୍ତମୁଖା । ବଡ ଭାଇର ପରିବାରକୁ ମାରି ପଦା କରିଦେଲା ସାନ ଭାଇ । । ବନ୍ଦ କୋଠରୀରୁ ମୃତକଙ୍କ ଶବ ଜବତ କରିଛି ପୋଲିସ ।
ଜମିଜମା ବିବାଦ ଓ ପରିବାରିକ ଶତ୍ରୁତା ପାଇଁ ଚାଲିଗଲା ଗୋଟିଏ ପରିବାରର ୫ ମୁଣ୍ଡ ।ହେଲେ ପାଖ ପଡୋଶୀ କେହି ଟେର ପାଇଲେନି । ଅଭିଯୁକ୍ତ ସାନ ଭାଇ ଶିବ ପ୍ରସାଦ ଯିଏକି ପେଶାରେ ଜଣେ ଡ୍ରାଇଭର । ଶିବ ନିଜ ବଡ ଭାଇ ଅଲେଖ ସାହୁ , ଅଲେଖଙ୍କ ପତ୍ନୀ ରଶ୍ମୀ ସାହୁ , ଝିଅ ପାଏଲ ଓ ପୁଅ ଗୁଡୁ ଓ ଟବୁକୁ ମାରଣାସ୍ତ୍ର ରେ ହାଣି ହତ୍ୟା କରିଥିବା ଘଟଣା ଚାରିଆଡେ ଚାଞ୍ଚଲ୍ୟ ଖେଳାଇଦେଇଛି । ଏବଂ ଅଭିଯୁକ୍ତ ଜଣ ଆତ୍ମ ସମର୍ପଣ କରିଛି ।
ସେପଟେ ଖବର ପାଇ ସାଲେପୁର ଏସଡିପିଓ , ମାହାଙ୍ଗା ଆଇଆଇସି , ତହସିଲଦାର ପ୍ରମୁଖ ଘଟଣା ସ୍ଥଳରେ ପହଁଞ୍ଚି ଛାନଭିନ୍ ଆରମ୍ଭ କରିଛନ୍ତି । ଖଣ୍ଡା ଚୋଟରେ ଅଭିଯୁକ୍ତ ମାନଙ୍କୁ ହତ୍ୟା କରାଯାଇଥିବା ପ୍ରାଥମିକ ତଦନ୍ତରୁ ଜଣାପଡିଛି । ସମ୍ପତିକୁ ନେଇ ଦୁଇ ପରିବାର ମଧ୍ୟରେ ବିବାଦ ଲାଗି ରହୁଥିଲା । ବଡ ଭାଇ ସାନ ଭାଇକୁ ଘରେ ପୁରାଇ ଦେଉନଥିଲେ । ଫଳରେ ଭଡା ରହୁଥିଲା ଶିବ ।ଉଭୟଙ୍କ ମଧ୍ୟରେ ତିକ୍ତତା ବଢିବାରୁ ରକ୍ତମୁଖା ପାଲଟିଥିଲା ଅଭିଯୁକ୍ତ ଶିବ । ହତ୍ୟାକାରୀ ପୋଲିସ ଆଗରେ ନିଜର ଦୋଷ ସ୍ୱିକାର କରିିଛି ।
Comments are closed.