ଭୁବନେଶ୍ବର: ଡହଡହ ଖରାରୁ ଆଶ୍ବସ୍ତି ଦେବ କାଳବୈଶାଖୀ ବର୍ଷା । ଆସନ୍ତା ୫ ଦିନ ବର୍ଷିବ । କାଲିଠୁ ୫ ତାରିଖ ପର୍ଯ୍ୟନ୍ତ ବିଭିନ୍ନ ଜିଲ୍ଲାରେ କାଳବୈଶାଖୀ ବର୍ଷା ସମ୍ଭାବନା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ ।
ପାଣିପାଗ ବିଭାଗ କହିବାନୁଯାୟୀ, ଆଜିଠୁ ରାଜ୍ୟରେ ତାତି କମିବ । ତାପମାତ୍ରା ୨ରୁ ୩ ଡିଗ୍ରୀ କମିବ । ଦକ୍ଷିଣ ଓଡ଼ିଶାରେ ହାଲୁକା ବର୍ଷା ସମ୍ଭାବନା ରହିଚି । ଆସନ୍ତା ୨, ୩ , ୪ ତାରିଖରେ ରାଜ୍ୟର ବିଭିନ୍ନ ଜିଲ୍ଲାରେ ବର୍ଷିବ ।
ସେପଟେ ରାଜ୍ୟରେ ଏବେ ତାତିର ପ୍ରକୋପ ଜାରି ରହିଥିବା ବେଳେ ଡହଳ ବିକଳ ହେଉଛନ୍ତି ରାଜ୍ୟବାସୀ । ପାରଦ ନିଇତି ୪୦ ଛୁଉଛି । ଗତକାଲି ୪୦ ଡିଗ୍ରୀ ଉପରେ ରହିଥିଲା ମୋଟ ୮ ସହର । ବୌଦ୍ଧରେ ସର୍ବୋଚ୍ଚ ତାପମାତ୍ରା ୪୧.୮ ଡିଗ୍ରି ରେକର୍ଡ କରାଯାଇଥିବା ବେଳେ ଝାରସୁଗୁଡ଼ାରେ ୪୧.୬, ସମ୍ବଲପୁରରେ ୪୧.୨, ହୀରାକୁଦ, ବଲାଙ୍ଗୀର ଓ ଟିଟିଲାଗଡ଼ରେ ୪୧, ଭବାନୀପାଟଣାରେ ୪୦.୮, ସୁନ୍ଦରଗଡ଼ରେ ୪୦.୩ ଡିଗ୍ରି ରହିଥିଲା । ଆଜି ମଧ୍ୟ ମାନ ସ୍ଥିତି ରହିଥିବା ବେଳେ ଟାଣ ଖରାରେ ଆଉଟପାଉଟ ହେଉଛି ରାଜ୍ୟ । ହେଲେ କାଲି ଠାରୁ ତାତିରୁ ତ୍ରାହି ମିଳିବା ନେଇ ପୂର୍ବାନୁମାନ କରିଛି ପାଣିପାଗ ବିଭାଗ ।
Comments are closed.