ଭୁବନେଶ୍ୱର : ଅଜୟ ବାରିକ ନାମକ ଜଣେ ୬୦ ବର୍ଷ କାମାନ୍ଧ ବୃଦ୍ଧ ବ୍ୟକ୍ତିକୁ ପୋଲିସ ନାବାଳିକାକୁ ଦୁଷ୍କର୍ମ କରିବା ଅଭିଯୋଗରେ ଆଜି ଗିରଫ କରିଛି ।
ମିଳିଥିବା ସୂତ୍ରରୁ ଜଣାପଡ଼ିଛି, ସତ୍ୟନଗର ଅଞ୍ଚଳରେ ଗୋଟିଏ ୧୦ ବର୍ଷର ନାବାଳିକା ଶିଶୁକନ୍ୟା ଦାଣ୍ଡରେ ଖେଳୁଥିଲା । ପଡ଼ିଶାରେ ରହୁଥିବା ୬୦ ବର୍ଷର ବୃଦ୍ଧ ବ୍ୟକ୍ତି ଅଜୟ ବାରିକ ଝିଅଟିକୁ ବଳପୂର୍ବକ ଉଠାଇ ନେଇ ଏକ ନିକାଞ୍ଚ ସ୍ଥାନରେ ଦୁଷ୍କର୍ମ କରିଥିଲା ।
ଏହି ଘଟଣା ସମ୍ପର୍କରେ ପୀଡ଼ିତାଙ୍କ ପରିବାର ଲୋକମାନେ ଜାଣିବା ପରେ ଖାରବେଳନଗର ଥାନାରେ ଅଭିଯୋଗ କରିଥିଲେ । ପୋଲିସ ଅଭିଯୋଗ ପାଇ ତୁରନ୍ତ ଅଭିଯୁକ୍ତକୁ ଗିରଫ କରିଛି ।
ସୂଚନାଯୋଗ୍ୟ, ଏହିପରି ଏକାଧରଣର ଘଟଣା ଜୁନ ୧୧ ତାରିଖରେ ଘଟିଥିଲା । ଜଣେ ଭିନ୍ନକ୍ଷମ ନାବାଳିକାକୁ ଏକୁଟିଆ ପାଇ ଅରୁଣ ନାୟକ ନାମକ ଜଣେ ମଧ୍ୟ ବୟସ୍କ ବ୍ୟକ୍ତିକୁ ଦୁଷ୍କର୍ମ କରିବା ଅଭିଯୋଗରେ ମଞ୍ଚେଶ୍ୱର ପୋଲିସ ଗିରଫ କରିଥିଲା ।