କୋରାପୁଟ: ବିଫଳ ହେଲା ଉଦ୍ୟମ । ଧରାପଡିଲା ବିପୁଳ ପରିମାଣ ଗଂଜେଇ । କେରାପୁଟ ଜିଲ୍ଲା ସମିଳିଗୁଡ଼ା ଅଂଚଳରୁ ୧୦୦୦ କେଜି ତଥା ୧ଟନ ଗଂଜେଇ ଜବତ ହୋଇଛି । ଏହି ମାମଲାରେ ୫ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଛି । ଅଭିଯୁକ୍ତମାନେ ହେଲେ କୁନ୍ଦୁଲିର ପରମେଶ ଓରଫ ଦୀପୁ , ପଟାଙ୍ଗୀ ଅଚଂଳର ପୁକାଲିର କାର୍ତ୍ତିକ ଚପାଡ଼ି, ଗୋପାଳ ଭୋଇ, ଶ୍ୟାମ ଭୋଇ ଓ ନନ୍ଦପୁର ଅଂଚଳର ନନ୍ଦକା ପ୍ରଜାବୃନ୍ଦା ଗାଁର ଡମୁ ଭୋଇ ।
ପ୍ରାୟ ଏକ କୁଇଣ୍ଟାଲ ବେଆଇନ ଗଂଜେଇ ବାହାରକୁ ଚାଲାଣ ପାଇଁ ଯୋଜନା ହେଉଥିବା ସିମିଲିଗୁଡ଼ା ପୁଲିସକୁ ବିଶ୍ୱସ୍ତ ସୂତ୍ରରୁ ସୂଚନା ମିଳିଥିଲା । ଗଂଜେଇ ଚାଲାଣ ନେଇ ଖବର ମିଳିବା ପରେ ପୁଲିସ କୋକରିଗୁଡ଼ା ଛକଠାରେ ଅପେକ୍ଷା କରିଥିଲା । ଏହି ସମୟରେ ଏକ ଧଳା ମହିନ୍ଦ୍ରା ପିକ-ଅପ ଘଟଣାସ୍ଥଳକୁ ପହଂଚିଥିଲା ।
ପିକଅପ ଆଗରେ ଏକ ବାଇକ ଯାଉଥିଲା । ସନ୍ଦେହ ହେବାରୁ ପୁଲିସ ଉଭୟ ପିକଅପ ଓ ବାଇକକୁ ଅଟକାଇଥିଲା । ପିକଅପରେ ଗଂଜେଇକୁ ବସ୍ତା ଭିତରେ ପ୍ୟାକିଂ କରାଯାଇଥିଲା । ତଦନ୍ତ ବେଳେ ଏହା ଧରାପଡ଼ିଥିଲା । ପୁଲିସ ଗଂଜେଇ ସମେତ ପିକଅପ ଓ ବାଇକକୁ ଜବତ କରିଛି । ଏଥି ସହିତ ୫ ଜଣ ଅଭିଯୁକ୍ତ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି ।
Comments are closed.