ନୂଆଦିଲ୍ଲୀ: କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସି କ୍ୱାରେଣ୍ଟାଇନ୍ରେ ଗଲେ ଦିଲ୍ଲୀ ସାର୍ ଗଙ୍ଗାରାମ ହସ୍ପିଟାଲର କର୍ମଚାରୀ । ୧୦୮ ଡାକ୍ତର ଓ ନର୍ସ ଏବେ କ୍ୱାରେଣ୍ଟାଇନରେ ରହିଛନ୍ତି । କରୋନା ଭୂତାଣୁ ସଂକ୍ରମଣ ଆଶଙ୍କାରେ ଏଭଳି ପଦକ୍ଷେପ ନେଇଛନ୍ତି ମେଡିକାଲ କର୍ତ୍ତୃପକ୍ଷ ।
ସୂଚନା ଅନୁସାରେ ଏହି ହସ୍ପିଟାଲକୁ ଅନ୍ୟ ରୋଗର ଚିକିତ୍ସା ପାଇଁ ଆସିଥିବା ୨ଜଣ ରୋଗୀଙ୍କ ଦେହରେ କରୋନା ପଜିଟିଭ୍ ଚିହ୍ନଟ କରାଯାଇଛି । ସେମାନଙ୍କ ସଂସ୍ପର୍ଶରେ ୧୦୮ଜଣ ଡାକ୍ତର, ନର୍ସ ଓ ମେଡିକାଲ କର୍ମଚାରୀ ଆସିଥିଲେ । ତେଣୁ ସତର୍କତାମୂଳକ ପଦକ୍ଷେପ ଭାବେ ସମସ୍ତଙ୍କୁ କ୍ୱାରେନଟାଇନରେ ପଠାଇ ଦେଇଛନ୍ତି କର୍ତ୍ତୃପକ୍ଷ ।
୧୦୮ଜଣଙ୍କ ମଧ୍ୟରୁ ୨୩ଜଣଙ୍କୁ ହସ୍ପିଟାଲରେ ଓ ୮୫ଜଣଙ୍କୁ ହୋମ୍ କ୍ୱାରେଣ୍ଟାଇନ୍ରେ ରହିବା ପାଇଁ କୁହାଯାଇଛି । ଏହା ପୂର୍ବରୁ ଦିଲ୍ଲୀ ଏବଂ ମୁମ୍ବାଇର ଚାରିଜଣ ଡାକ୍ତର ଏବଂ ଦୁଇ ନର୍ସ କରୋନା ଆକ୍ରାନ୍ତଙ୍କ ସଂସ୍ପର୍ଶରେ ଆସିବା ପରେ ଏକାନ୍ତବାସରେ ରହିଥିଲେ ।
Comments are closed.