କାମାକ୍ଷାନଗର: ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ବାରିହାପୁର ଗାଁ ନିକଟରେ ଗୋରୁପଲଙ୍କ ଉପରେ ଚଢି ଯାଇଛି ଏକ ଟ୍ରକ । ଫଳରେ ୧୧ ଗୋରୁଙ୍କର ମୃତ୍ୟୁ ଘଟିଛି । ୨ ଗୁରୁତର ହୋଇଛନ୍ତି ।
ଗତକାଲି ବିଳମ୍ବିତ ରାତିରେ ଘଟିଥିଲା ଏହି ଦୁର୍ଘଟଣା । ଗାଈ ପଲ ରାସ୍ତା ୫୩ ନମ୍ବର ଜାତୀୟ ରାଜପଥ ଉପରେ ଶୋଇଥିବାବେଳେ ଟ୍ରକଟି ଦ୍ରୁତ ଗତିରେ ଆସି ଚଢି ଯାଇଥିଲା । ଟ୍ରକର ଗତି ଏତେ ଅଧିକ ଥିଲା ଯେ, ଗାଈ ପଲଙ୍କୁ ଧକ୍କା ଦେଇ ପରେ ଏକ ଚା’ ଦୋକାନ ଉପରେ ମାଡିଯାଇଥିଲା । ତେବେ ଚା’ ଦୋକାନୀଙ୍କର କିଛି କ୍ଷତି ହୋଇ ନ ଥିବା ଜଣାଯାଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି। ଦୁର୍ଘଟଣା ଘଟାଇ ଡ୍ରାଇଭର ଫେରାର ହୋଇଯାଇଛନ୍ତି ।
ମିଳିଥିବା ସୂଚନା ଅନୁଯାୟୀ, ଟ୍ରକ୍ଟି ତାଳଚେରରୁ କାମାକ୍ଷାନଗର ଅଭିମୁଖେ ଯାଉଥିଲା। ଏହାକୁ ନେଇ ଘଣଣାସ୍ଥଳରେ ଉତ୍ତେଜନା ପ୍ରକାଶ ପାଇଛି ।
Comments are closed.