ଭଦ୍ରକ : ପୁଣି ଜବତ ହେଲା ଧଳା ଜହର । ଭଦ୍ରକ ୧୬ ନମ୍ବର ଜାତୀୟ ରାଜପଥର ନଳାଙ୍ଗ ଛକ ନିକଟରୁ ୧୧୦ ଗ୍ରାମର ବ୍ରାଉନସୁଗାର ଜବତ କରିଛି କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ । ବ୍ରାଉନସୁଗାର ଚାଲାଣ ଅଭିଯୋଗରେ ଜଣେ ଯୁବକକୁ ଗିରଫ କରାଯାଇଛି ।
ଭଦ୍ରକ ଜିଲ୍ଲାରେ ବେଆଇନ ଭାବେ ବ୍ରାଉନସୁଗାର କାରବାର ବଢ଼ି ଚାଲିଥିବା ବେଳେ, ଆଜି ଚଢ଼ାଉ କରିଥିଲା ଅବକାରୀ ବିଭାଗ । ପାଟ୍ରୋଲିଂ ସମୟରେ ଆଜି ଯାଞ୍ଚ ଚାଲିଥିବା ବେଳେ, ଜଣେ ଯୁବକଙ୍କ ଠାରୁ ଜବତ ହୋଇଥିଲା ୧୧୦ ଗ୍ରାମର ବ୍ରାଉନସୁଗାର । ଯାହାର ଆନୁମାନିକ ମୂଲ୍ୟ ୧୧ ଲକ୍ଷ ଟଙ୍କା ହେବ । ଗିରଫ ଯୁବକ ହେଲେ ଭଦ୍ରକ ନଳାଙ୍ଗ ଅଞ୍ଚଳର ତ୍ରିଲୋଚନ ନାୟକ । ସେ ଜଳେଶ୍ବର ଅଞ୍ଚଳରୁ ବ୍ରାଉନ ସୁଗାର ଆଣିଥିଲା ବୋଲି କହିଛି କେନ୍ଦ୍ରାଞ୍ଚଳ ଅବକାରୀ ବିଭାଗ ।
Comments are closed.