ବୌଦ୍ଧ : ରାଜ୍ୟରେ ଅନୁଭୂତ ହେଉଛି ପ୍ରବଳ ଶୀତ। ନିଆଁରେ ପୋଇଁବା ସମୟରେ ଜଳିଗଲେ ଦୁଇ ନାବାଳକ। ଶୀତରୁ ରକ୍ଷା ପାଇବା ପାଇଁ ନିଆଁରେ ପୋଇଁବା ସମୟରେ ଏପରି ଅଭାବନୀୟ ଘଟଣା ଘଟିଛି। ଅସାବଧାନତା କାରଣରୁ ନିଆଁ ଲାଗିଯିବାରୁ ବୌଦ୍ଧ ଜିଲ୍ଲା ସଦର ବ୍ଲକ ମୁଣ୍ଡିପଦର ଗ୍ରାମ ପଞ୍ଚାୟତ ଅନ୍ତର୍ଗତ ବଳାକିରା ଗ୍ରାମରେ ଜଳିଗଲେ ୨ ନାବାଳକ। ମୃତ ୨ ନାବାଳକ ହେଲେ କ୍ରୀଷ୍ଣା ଊର୍ମା ଓ କ୍ରୀଷ୍ଣା ଭୋଇ।
ସୂଚନା ଅନୁସାରେ, ହରଭଙ୍ଗା ବ୍ଲକ ବସନ୍ତବାହଲ ଗ୍ରାମର ସଞ୍ଜିତ ଉର୍ମାଙ୍କ ପୁଅ କ୍ରୀଷ୍ଣା ଊର୍ମା ବଳାକିରା ଗ୍ରାମରେ ଥିବା ନିଜ ସମ୍ପର୍କୀୟ ଘରକୁ ଆସିଥିଲେ। ସେ ସନ୍ଧ୍ୟା ସମୟରେ ବଲାକିରା ଗ୍ରାମର ସୁବଳ ଭୋଇଙ୍କ ପୁଅ କ୍ରୀଷ୍ଣା ଭୋଇଙ୍କ ସାଙ୍ଗରେ ନିକଟସ୍ଥ ପାଳ ଗଦା ସମ୍ମୁଖରେ ନିଆଁ ପୋଇଁ ହେଉଥିଲେ। ଅସାବଧାନତା କାରଣରୁ ଉଭୟ ନିଆଁରେ ପୋଡ଼ି ହୋଇଯାଇଥିଲେ। ଅବସ୍ଥା ଗୁରୁତର ହେବାରୁ ସେମାନଙ୍କୁ ଗ୍ରାମବାସୀ ବାଉଁଶୁଣି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଡାକ୍ତର ଦୁଇ ନବଳକଙ୍କୁ ମୃତ ଘୋଷଣା କରିଥିଲେ। ତେବେ ଘଟଣା ସ୍ଥଳରେ ବାଉଁଶୁଣୀ ପୋଲିସ ପହଞ୍ଚି ତଦନ୍ତ ଜାରି ରଖିଛି।