କଳାହାଣ୍ଡି: ସକାଳୁ ସକାଳୁ ମର୍ମନ୍ତୁଦ ସଡକ ଦୁର୍ଘଟଣା । ମୁହାଁମୁହିଁ ଧକ୍କା ହୋଇ ହୁତୁ ହୁତୁ ହୋଇ ଜଳିଗଲା ୨ଟି ଟ୍ରକ । ଟ୍ରକ ସହ ଜିଅନ୍ତା ଜଳେ ଗଲେ ଟ୍ରକ ଡ୍ରାଇଭର । କଳାହାଣ୍ଡି ଜିଲ୍ଲା ସଦର ଥାନା ପାସ୍ତିକୁଡ଼ା ଗାଁ ନିକଟରେ ଘଟିଛି ଏହି ଦୁର୍ଘଟଣା ଲ୬
ସୂଚନା ଅନୁସାରେ, ସଦର ଥାନା ପାସ୍ତିକୁଡ଼ା ଗାଁ ନିକଟରେ ଭୋର ୪ଟା ବେଳେ ପାଷ୍ଟି ଗୁଡ଼ାଠାରେ ଏକ ଚାଉଳ ବୋଝେଇ ଟ୍ରକକୁ ପଛପଟୁ ଧକ୍କା ଦେଇଥିଲା କୋଇଲା ବୋଝେଇ ଟ୍ରକ୍। ଦୁର୍ଘଟଣା ପରେ ଦୁଇଟି ଟ୍ରକରେ ନିଆଁ ଲାଗିଯାଇଥିଲା । ଘଟଣାସ୍ଥଳରେ ହୁତୁ ହୁତୁ ହୋଇ ଜଳିଗଲା ଦୁଇଟି ଯାକ ଟ୍ରକ । ନିଆଁ ଏତେ ପ୍ରଖର ଥିଲା ଯେ, ସେଠାରୁ ବାହାରକୁ ବାହାରି ପାରିନଥିଲେ ଟ୍ରକ ଡ୍ରାଇଭର । ଫଳରେ ଟ୍ରକ ଭିତରେ ଜୀବନ୍ତ ଦଗ୍ଧ ହୋଇଯାଇଛନ୍ତି ଜଣେ ଡ୍ରାଇଭର ଓ ହେଲପର । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ସହ ମୃତ ଦେହକୁ ବ୍ୟବଚ୍ଛେଦ ପାଇଁ ପଠାଇଛି । ସେପଟେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।