କଟକ: ବାଇକ୍ ଦୁର୍ଘଟଣାରେ ଦୁଇ ଯୁବକଙ୍କ ମୃତ୍ୟୁ ଘଟିଛି। ରବିବାର ସଂଧ୍ୟାରେ ଏହି ଦୁର୍ଘଟଣା ଘଟିଛି। ମିଳିଥିବା ସୂଚନା ଅନୁଯାୟୀ, ବଡ଼ମ୍ବା ଥାନା ଅନ୍ତର୍ଗତ ବେଲିଆପାଳ ଗ୍ରାମର ମୁନା ସାହୁ ଓ ରାକେଶ ପଣ୍ଡା ନାମକ ଦୁଇ ଯୁବକ କୌଣସି କାମରେ ବାଇକରେ ଘରୁ ବାହାରି କାନପୁର ଯାଇଥିଲେ।
ସେମାନେ ଋଷିପଦା ନିକଟରେ ପହଞ୍ଚିବା ବେଳେ ବାଇକ୍ ଆରୋହୀ ନିୟନ୍ତ୍ରଣ ହରାଇ ଦ୍ରୁତ ଗତିରେ ରାସ୍ତା କଡ଼ରେ ଥିବା ଏକ ଗଛରେ ଧକ୍କା ଦେଇଥିଲେ। ଏହାର ପ୍ରଭାବରେ ଉଭୟଙ୍କୁ ବାଇକରୁ ଫିଙ୍ଗି ହୋଇଯିବା ସହ ଗୁରୁତର ଆହତ ହୋଇ ତଳେ ପଡ଼ିଯାଇଥିଲେ।
ସ୍ଥାନୀୟ ଲୋକେ ଆହତ ଯୁବକଙ୍କୁ କାନପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। କିନ୍ତୁ ଉଭୟ ମୁନା ଓ ରାକେଶ ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥିଲେ।
ଖବର ପାଇ କାନପୁର ଥାନାର ଏକ ଟିମ୍ ଡାକ୍ତରଖାନା ଯାଇ ଶବ ବ୍ୟବଚ୍ଛେଦ ପାଇଁ ପଠାଇଛି। ସେମାନେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛନ୍ତି।
Comments are closed.