ଗୁରୁଦାସପୁର: ପଞ୍ଜାବର ଗୁରୁଦାସପୁର ଜିଲ୍ଲା ବାଟଲା ଅଞ୍ଚଳରେ ଥବା ଏକ ବେଆଇନ ବାଣ ଗୋଦାମରେ ବିସ୍ଫୋରଣ ଘଟି ୨୧ ଜଣ ପ୍ରାଣ ହରାଇବା ସହ ଅନେକ ଆହତ ହୋଇଥିବା ଏନଡି ଟିଭିରେ ଖବର ପ୍ରକାଶିତ ହୋଇଛି ।
ମିଳିଥିବା ସୂଚନା ଅନୁଯାୟୀ ବୁଧବାର ଅପରାହ୍ନ ପାଖାପାଖି ୪ଟା ସମୟରେ ଏହି ବିସ୍ଫୋରଣ ଘଟିଥିଲା । ବିସ୍ଫୋରଣ ହୋଇଥିବା ବାଣ ଗୋଦାମଟି ଜନବସତି ନିକଟରେ ଥିବା ବାଟଲର ଆଇଜି ଏସ.ପି.ଏସ ପରମାର ସୂଚନା ଦେଇଛନ୍ତି ।
President Ram Nath Kovind: Express my sympathies with the families of the people who lost their lives in the Batala firecracker factory blast. I pray for the speedy recovery of the injured. (File pic) #Gurdaspur #Punjab pic.twitter.com/oxx96b5lnA
— ANI (@ANI) September 4, 2019
ଏହି ଘଟଣାରେ ରାଷ୍ଟ୍ରପତି ରାମନାଥ କୋବିନ୍ଦ ମୃତକ ମାନଙ୍କ ପାଇଁ ଗଭୀର ଶୋକ ପ୍ରକାଶ କରିବା ସହ ଆହତ ମାନଙ୍କ ଆଶୁ ଆରୋଗ୍ୟ କାମନା କରିଛନ୍ତି ।
Punjab Chief Minister has announced an ex-gratia grant of Rs. 2 lakhs for the kin of the deceased and Rs 50,000 for the seven severely injured, who were referred to Amritsar Medical College. He has also announced Rs. 25,000 for those with minor injuries. https://t.co/i2CpoTsH0b
— ANI (@ANI) September 4, 2019
ସେପଟେ ପଞ୍ଜାବ ମୁଖ୍ୟମନ୍ତ୍ରୀ ମୃତକଙ୍କ ପରିବାର ପାଇଁ ୨ ଲକ୍ଷ ଟଙ୍କା ଅନୁକମ୍ପା ମୂଳକ ରାଶି ଘୋଷଣା କରିବା ସହ ଗୁରୁତର ଆହତଙ୍କ ଚିକିତ୍ସା ପାଇଁ ୫୦,୦୦୦ ଟଙ୍କା ଓ ସାମାନ୍ୟ ଆହତଙ୍କ ପାଇଁ ୨୫୦୦୦ ଟଙ୍କାର ସହାୟତା ରାଶି ଘୋଷଣା କରିଛନ୍ତି ।
ଏହି ଘଟଣାରେ ବାଣ ଗୋଦାମଟି ସମ୍ପୂର୍ଣ୍ଣ ନଷ୍ଟ ହୋଇ ଯାଇଥିବା ବେଳେ ଏହା ପାଖରେ ଥିବା ଏକ କାର ୱାର୍କସପଟି ମଧ୍ୟ ନଷ୍ଟ ହୋଇଯାଇଛି । ଏହି ବିସ୍ଫୋରଣର କାରଣ ଏଯାଏଁ ସ୍ପଷ୍ଟ ହୋଇ ନାହିଁ ।
ସ୍ଥାନୀୟ ବାସିନ୍ଦାଙ୍କ କହିବା ଅନୁଯାୟୀ ଏହି ବାଣ ଗୋଦାମଟି ବେଆଇନ ଭାବେ ଅନେକ ବର୍ଷ ହେବ ପରିଚାଳିତ ହେଉଥିଲା ।
ଗୁରୁ ନାନକଙ୍କ ଜନ୍ମବାର୍ଷିକୀରେ ଏଠାରେ ନଗର କୀର୍ତ୍ତନ ହୁଏ । ଏହି ନଗର କୀର୍ତ୍ତନରେ ଲାଗି ଏଠାରେ ବାଣ ଗୁଡିକ ତିଆରି ହୋଇ ଗଚ୍ଛିତ ରହିଥିବା ସୂଚନା ମିଳିଛି ।
ଏହିପରି ଏକ ବାଣ ବିସ୍ଫୋରଣ ୨୦୧୭ ମସିହାରେ ହୋଇଥିଲା, ଯେଉଁଥିରେ ଜଣେ ଲୋକ ପ୍ରାଣ ହରାଇଥିବା ବେଳେ ଅନେକ ଆହତ ହୋଇଥିବା କଥା ସ୍ଥାନୀୟ ବାସିନ୍ଦା କହିଛନ୍ତି ।