ନୂଆଦିଲ୍ଲୀ: ଆଇପିଏଲ ୨୦୨୫ ପୂର୍ବରୁ ସମସ୍ତ ଟିମ ରିଟେନ କରିଥିବା ଖେଳାଳିଙ୍କ ନାମ ଜାରୀ କରିଛନ୍ତି । ଏହି ତାଲିକାରୁ ୪ ପୂର୍ବତନ ଅଧିନାୟକ ବାଦ ପଡିଛନ୍ତି । ସେମାନେ ହେଲେ ଶ୍ରେୟାଶ ଆୟାର, ରିଷଭ ପନ୍ତ, କେଏଲ ରାହୁଲ ଓ ଫାପ ଡୁ ପ୍ଲେସି । ମହମ୍ମଦ ସାମି ଓ ମହମ୍ମଦ ସିରାଜଙ୍କୁ ସେମାନଙ୍କ ଦଳ ରିଲିଜ କରିଛନ୍ତି ।
ମେଗା ନିଲାମରେ ଏଥର ୨୫ ଖେଳାଳିଙ୍କ ଉପରେ ନଜର ରହିବ । ସେମାନେ ହେଲେ- ରିଷଭ ପନ୍ତ, କେଏଲ ରାହୁଲ, ମହମ୍ମଦ ସାମି, ଈଶାନ୍ତ ଶର୍ମା, ୟୁଜଭେନ୍ଦ୍ର ଚହଲ, ରବିଚନ୍ଦ୍ରନ ଅଶ୍ୱୀନ, ୱାଶିଂଟନ ସୁନ୍ଦର, ଶାର୍ଦ୍ଦୁଳ ଠାକୁର, ଦୀପକ ଚହର, ମହମ୍ମଦ ସିରାଜ, ଗ୍ଲେନ ମ୍ୟାକ୍ସୱେଲ, ଫାପ ଡୁ ପ୍ଲେସି, କ୍ୟାମେରୁନ ଗ୍ରୀନ, ୱିଲ ଜ୍ୟାକ୍ସ, ଫିଲ ସଲ୍ଟ, ଡେଭିଡ ୱାର୍ଣ୍ଣର, କ୍ୱିଂଟନ ଡିକକ, ମିଚେଲ ମାର୍ଶ, ମିଚେଲ ଷ୍ଟାର୍କ, ଜୋଶ ହାଜେଲଉଡ, ରଚୀନ ରବୀନ୍ଦ୍ର, ଡେଭିଡ କନୱେ, ଡେଭିଡ ମିଲର ଓ ଆଡେନ ମାର୍କରାମ । ଏମାନଙ୍କ ମଧ୍ୟରେ ଅନେକ ସିନିୟର ଖେଳାଳି ରହିଛନ୍ତି । ଫ୍ରାଂଚାଇଜରମାନେ ଯୁବ ଖେଳାଳିଙ୍କୁ ପ୍ରାଧାନ୍ୟ ଦେବା ସୂଚନା ଦେଇ ସାରିଛନ୍ତି ।