କଲମ୍ବୋ: ଶ୍ରୀଲଙ୍କାରେ ଘଟିତ ସିରିଏଲ ବୋମା ବିସ୍ଫୋରଣରେ ୩ ଭାରତୀୟଙ୍କ ସମେତ ଏପର୍ଯ୍ୟନ୍ତ ସମୁଦାୟ ୨୦୭ ଜଣ ନୀରିହ ବ୍ୟକ୍ତିଙ୍କ ପ୍ରାଣହାନୀ ଘଟିଥିବା କଲମ୍ବୋ ପୋଲିସ ସୂତ୍ରରୁ ପ୍ରକାଶ ।
Indian High Commission in Colombo has conveyed that National Hospital has informed them about the death of three Indian nationals. Their names are Lokashini, Narayan Chandrashekhar and Ramesh. We are ascertaining further details. /3
— Chowkidar Sushma Swaraj (@SushmaSwaraj) April 21, 2019
ଭାରତୀୟ ବୈଦେଶିକ ବ୍ୟାପାର ମନ୍ତ୍ରୀ ସୁଷମା ସ୍ୱରାଜ ଟ୍ୱିଟ୍ ମାଧ୍ୟମରେ ଜଣାଇଛନ୍ତି ଯେ, ଏହି ବୋମା ବିସ୍ଫୋରଣ ଘଟଣାରେ ୩ ଜଣ ଭାରତୀୟଙ୍କ ପ୍ରାଣହାନୀ ଘଟିଛି ।
ଏହି ବୋମା ବିସ୍ଫୋରଣ ଘଟଣାକୁ ସବୁମହଲରେ ନିନ୍ଦା କରାଯିବା ସହିତ କୁହାଯାଉଛି ଯେ, ଏହା ଦଶନ୍ଧିର ସବୁଠାରୁ ଲୋମହର୍ଷକ ଆତଙ୍କବାଦୀ ଆକ୍ରମଣ । ଏହି ଘଟଣାରେ ୩୫ ଜଣ ବିଦେଶୀ ନାଗରିକ ମଧ୍ୟ ପ୍ରାଣ ହରାଇଛନ୍ତି ।
ଏହି ବିସ୍ଫୋରଣ ଘଟଣାରେ ୭ ଜଣ ସନ୍ଦିଗ୍ଧ ବ୍ୟକ୍ତିଙ୍କୁ ଗିରଫ କରାଯାଇଛି ।
ଶ୍ରୀଲଙ୍କାରେ ଘଟିଥିବା ଏହି ନରସଂହାର ଲାଗି କୌଣସି ଗୋଷ୍ଠୀ ନିଜକୁ ଦାୟୀ କରିନଥିବା ବେଳେ ଏହି ବର୍ବୋରଚିତ ଘଟଣା ପଛରେ ଇସଲାମିକ ଗ୍ରୁପର ହାତ ରହିଥିବା କେତେକ ଗଣମାଧ୍ୟମ ସଂସ୍ଥା ପ୍ରକାଶ କରିଛନ୍ତି ।
ଆତଙ୍କବାଦୀଙ୍କ ଏହି କାପୁରୁଷୋଚିତ ଆକ୍ରମଣକୁ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିନ୍ଦା କରିବା ସହିତ ଶ୍ରୀଲଙ୍କା ସରକାରଙ୍କୁ ସମସ୍ତ ପ୍ରକାର ଆବଶ୍ୟକୀୟ ସାହାଯ୍ୟ ଓ ସହଯୋଗ କରାଯିବ ବୋଲି ଜଣାଇଛନ୍ତି ।