ନୂଆଦିଲ୍ଲୀ:ବିହାର ପୋଲିସ ମୁଖ୍ୟାଳୟ ଏକ ବଡ଼ ସତର୍କ ସୂଚନା ଜାରି କରିଛି । ସୂଚନା ଅନୁଯାୟୀ, ପାକିସ୍ତାନର ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦର ତିନି ଜଣ ଆତଙ୍କବାଦୀ ନେପାଳ ଦେଇ ବିହାରରେ ପ୍ରବେଶ କରିଛନ୍ତି। ଏମାନଙ୍କ ମଧ୍ୟରେ ହସନେନ୍ ଅଲି (ରାୱଲପିଣ୍ଡିର ବାସିନ୍ଦା), ଆଦିଲ୍ ହୁସେନ୍ (ଉମରକୋଟର ବାସିନ୍ଦା) ଏବଂ ମହମ୍ମଦ ଉସମାନ (ବାହୱଲପୁରର ବାସିନ୍ଦା) ଅନ୍ତର୍ଭୁକ୍ତ।
ଏହି ତିନି ଆତଙ୍କବାଦୀଙ୍କ ଉପରେ ପୁରସ୍କାର ଘୋଷଣା କରାଯାଇଛି। ଏହି ସନ୍ଦିଗ୍ଧ ବାବଦରେ ଜଣାଇଲେ ବ୍ୟକ୍ତିଙ୍କୁ ୫୦,୦୦୦ ଟଙ୍କା ଦିଆଯିବ । ପୋଲିସ ତିନି ଆତଙ୍କବାଦୀଙ୍କ ନାମ ଏବଂ ଫଟୋଗ୍ରାଫ ସାର୍ବଜନୀନ କରିଛି। ସେମାନଙ୍କ ପାସପୋର୍ଟ ସମ୍ପର୍କିତ ସୂଚନା ମଧ୍ୟ ସେୟାର କରାଯାଇଛି। କୁହାଯାଉଛି ଯେ ଏହି ଆତଙ୍କବାଦୀମାନେ ଅଗଷ୍ଟ ଦ୍ୱିତୀୟ ସପ୍ତାହରେ କାଠମାଣ୍ଡୁରେ ପହଞ୍ଚିଥିଲେ ଏବଂ ତୃତୀୟ ସପ୍ତାହରେ ନେପାଳ ସୀମାରୁ ବିହାରରେ ପ୍ରବେଶ କରିଥିଲେ।
50 हजार इनाम की घोषणा |
.
.@bihar_police @IPRDBihar @BiharHomeDept @Dm_Motihari #HainTaiyaarHum#Bihar #champaran #motihari pic.twitter.com/VKhMXYJPwG— MOTIHARI POLICE (@motihari_police) August 28, 2025
ମୋତିହାରୀ ପୋଲିସର x ହ୍ୟାଣ୍ଡେଲରୁ ଏହି ତିନି ଆତଙ୍କବାଦୀଙ୍କ ଫଟୋ ଜାରି କରାଯାଇଛି। କୁହାଯାଇଛି ଯଦି ଆପଣ କୌଣସି ସୂଚନା ପାଆନ୍ତି, ତେବେ ନିକଟସ୍ଥ ପୋଲିସ ଷ୍ଟେସନକୁ ଜଣାନ୍ତୁ ନଚେତ୍ 112 କୁ ଡାଏଲ୍ କରନ୍ତୁ। ସୂଚନାଦାତାଙ୍କ ପରିଚୟ ଗୁପ୍ତ ରଖାଯିବ। ଯୋଗାଯୋଗ ପାଇଁ ମୋବାଇଲ୍ ନମ୍ବର 9431822988 ଏବଂ 9031827100 ଦିଆଯାଇଛି।
ପୋଲିସ ମୁଖ୍ୟାଳୟ ସମସ୍ତ ଜିଲ୍ଲାକୁ ସତର୍କ କରିଛି। ବିଶେଷକରି ସୀମାନ୍ତ ଜିଲ୍ଲା ସୀତାମାଢ଼ି, ମଧୁବନୀ, ପଶ୍ଚିମ ଚମ୍ପାରଣ, ଆରାରିଆ, କିଶନଗଞ୍ଜ ଏବଂ ସୁପୌଲରେ ସତର୍କତା ବୃଦ୍ଧି କରାଯାଇଛି। ଭାଗଲପୁର ଏବଂ ଅନ୍ୟାନ୍ୟ ଜିଲ୍ଲାଗୁଡ଼ିକରେ ମଧ୍ୟ ଆଲର୍ଟ ଜାରି କରାଯାଇଛି।
ଯେକୌଣସି ସନ୍ଦିଗ୍ଧ କାର୍ଯ୍ୟକଳାପ କିମ୍ବା ସୂଚନା ମିଳିଲେ ତୁରନ୍ତ ସ୍ଥାନୀୟ ପୋଲିସ ଷ୍ଟେସନ କିମ୍ବା ପୋଲିସ ହେଲପଲାଇନ୍କୁ ରିପୋର୍ଟ କରିବାକୁ ପୋଲିସ ଲୋକଙ୍କୁ ନିବେଦନ କରିଛି। ବର୍ତ୍ତମାନ ସମସ୍ତ ସୁରକ୍ଷା ଏଜେନ୍ସି ତିନି ଜଣ ଆତଙ୍କବାଦୀଙ୍କୁ ଖୋଜିବାରେ ନିୟୋଜିତ ଅଛନ୍ତି।
ରେଳ ଷ୍ଟେସନ, ବସ୍ ଷ୍ଟାଣ୍ଡ, ହୋଟେଲ, ଧର୍ମଶାଳା ଏବଂ ଜନଗହଳିପୂର୍ଣ୍ଣ ଅଞ୍ଚଳରେ ଯାଞ୍ଚ ଅଭିଯାନକୁ ଜୋରଦାର କରାଯାଇଛି। ରେଳ ଏବଂ ବିମାନବନ୍ଦର ସୁରକ୍ଷା ଏଜେନ୍ସିଗୁଡ଼ିକୁ ମଧ୍ୟ ସଜାଗ ରଖାଯାଇଛି।
ପୋଲିସ ମୁଖ୍ୟାଳୟ ସୀମାନ୍ତ ଜିଲ୍ଲାଗୁଡ଼ିକର ପୋଲିସ ଅଧିକାରୀଙ୍କ ସହ ତିନି ଆତଙ୍କବାଦୀଙ୍କ ପାସପୋର୍ଟ ଏବଂ ପରିଚୟ ବିବରଣୀ ବାଣ୍ଟିଛି।
Comments are closed.