କେନ୍ଦୁଝର: ରାତିରେ ଭାରସାମ୍ୟ ହରାଇ ଘର ଭିତରେ ମାଡ଼ି ଗଲା ଟ୍ରକ । ଘର କାନ୍ଥ ଭୁଶୁଡ଼ି ତିନି ଜଣ ଆହତ ହୋଇଛନ୍ତି । କେନ୍ଦୁଝର ଟାଉନ ଥାନା ଷଠିଘର ସାହିରେ ଏହି ଘଟଣା ଘଟିଛି । ଗତକାଲି ରାତିରେ ଗୋଟିଏ ମହୁଲ ବୋଝେଇ ଟ୍ରକ ଭାରସାମ୍ୟ ହରାଇ ଓଲଟି ପଡ଼ିଲା । ରାସ୍ତାକଡ଼ରେ ଥିବା ଘର ଉପରେ ମାଡ଼ି ଯାଇଥିଲା ।
ଟ୍ରକ ଧକ୍କା ଦେବାରୁ ଘରର କାନ୍ଥ ଭୁଶୁଡ଼ି ପଡ଼ିଥିଲା । ଶୋଇଥିବା ଅବସ୍ଥାରେ ତିନି ଜଣ ଆହତ ହୋଇଛନ୍ତି । ସେମାନେ ହେଲେ ମହେଶ ପାତ୍ର, ତାଙ୍କ ସ୍ତ୍ରୀ ଓ ଝିଅ । ଚିକିତ୍ସା ପାଇଁ ସେମାନଙ୍କୁ କେନ୍ଦୁଝର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଖବର ପାଇଁ ଦୁର୍ଘଟଣାସ୍ଥଳରେ ପହଞ୍ଚିଥିଲେ ପୋଲିସ ଅ ଅଗ୍ନିଶମ ବାହିନୀ । ଟ୍ରକ ଧକ୍କାରେ ମହେଶଙ୍କ ଘର ଭାଙ୍ଗିରୁଜି ରୁଚମାର ହୋଇଛି । ଭାରସାମ୍ୟ ହରାଇ ଟ୍ରକଟି ଘରକୁ ଧକ୍କା ଦେବା ପରେ ଓଲଟି ପଡିଥିଲା ।
Comments are closed.