ରାଉରକେଲା: ରାଜ୍ୟରେ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢୁଥିବା ବେଳେ ସୁନ୍ଦରଗଡ ଜିଲ୍ଲାରେ ରବିବାର ଦିନ ଆଉ ୩ ନୂଆ ପଜିଟିଭ ଚିହ୍ନଟ ହୋଇଛନ୍ତି ।
ଏନେଇ ଟ୍ୱିଟ୍ ଯୋଗେ ସୂଚନା ଦେଇଛନ୍ତି ସୁନ୍ଦରଗଡ ଜିଲ୍ଲାପାଳ ।
ପ୍ରାପ୍ତ ସୂଚନାନୁଯାୟୀ ସମ୍ପୃକ୍ତ ଆକ୍ରାନ୍ତଙ୍କ ମଧ୍ୟରେ ୨ ଜଣ ମହିଳା ଏବଂ ଜଣେ ପୁରୁଷ ରହିଛନ୍ତି । ସେମାନଙ୍କ ମଧ୍ୟରୁ ଦୁଇ ମହିଳା ନିକଟ ଅତୀତରେ ମୁମ୍ବାଇ ଓ ଦିଲ୍ଲୀରୁ ଫେରିଥିବା ବେଳେ ବ୍ୟକ୍ତି ଜଣକ ମହାରାଷ୍ଟ ଫେରନ୍ତା ।
ଅପରପକ୍ଷରେ ଉକ୍ତ ୨ ଜଣ ମହିଳା ଯଥାକ୍ରମେ ସଗବାହାଲ ଅସ୍ଥାୟୀ ମେଡିକାଲ କ୍ୟାମ୍ପ(ଟିଏମସି) ଓ ସବଡେଗା ଟିଏମସିରୁ ଚିହ୍ନଟ ହୋଇଥିବା ବେଳେ ପୁରୁଷ ବ୍ୟକ୍ତି ଜଣକ ଏନଟିପିସି କୋଭିଡ ସେଣ୍ଟରର ବୋଲି ଜଣାପଡିଛି ।
ତେବେ ସମସ୍ତଙ୍କୁ ଚିକିତ୍ସା ନିମନ୍ତେ କୋଭିଡ ମେଡିକାଲକୁ ପଠାଯାଇଥିବା ନେଇ ଜଣାପଡିଛି ।