କୋରାପୁଟ: ବାହାର ରାଜ୍ୟକୁ ଗଞ୍ଜେଇ ଚାଲାଣ ବେଳେ ଜୟପୁର ସଦର ପୋଲିସ ଚଢାଉ କରି ୭ ଜଣଙ୍କୁୁ ଗିରଫ କରିଛି । ସେମାନଙ୍କଠାରୁ ୩୩୦ କେଜି ଗଞ୍ଜେଇ ଜବତ କରିଛି । ଏଥିସହ ୬ଟି ମୋବାଇଲ,୨୨ ହଜାର ୧ ଶହ ଟଙ୍କା ଜବତ କରାଯାଇଛି । ଗିରଫ ଅଭିଯୁକ୍ତମାନେ ହେଲେ ବୈପାରିଗୁଡାର ବିଭିଷଣ ମାଛ (୨୫), ଓକେଲର ଜଗା ସେଠୀ (୧୯) ଓ ସୁନିଲ କୁମାର ନାୟକ (୨୨) ହରିୟାଣାର ବାଦଲ (୧୮), ସତପାଲ (୩୪), ଶ୍ରୀପାଲ (୩୦), ଦିଲିପ ଲିଂ (୩୪) । ଜୟପୁର ସଦର ପୋଲିସ ୩୨୬ ଜାତୀୟ ରାଜପଥର ପାତ୍ରପୁଟ ନିକଟରେ ଗାଡି ଯାଞ୍ଚ କରୁଥିଲା । ଏହି ସମୟରେ ଏକ ମିନିଟ୍ରକ (ଏପି୧୩ଟିଡବ୍ଲ୍ୟ୭୯୧୯) ଓ କାର (ଓଆର ୦୫କ୍ୟୁ ୨୫୮୮) କୁ ଯାଞ୍ଚକରିବାରୁ ସେଥିରେ ଗଞ୍ଜେଇ ଥିବା ଦେଖିବାକୁ ପାଇଥିଲା ପୋଲିସ । ପରେ ମିନିଟ୍ରକରୁ ୨ ଶହ କେଜି ଓ କାରରୁ୧୩୦ କେଜି ଗଞ୍ଜେଇ ଜବତ କରିଥିଲା । ଏହି ଗଞ୍ଜେଇ କୋରାପୁଟରୁ ହରିୟାଣା ଚାଲାଣ ହେଉଥିବା ସଦର ଥାନା ଅଧିକାରୀ ଇଶ୍ୱର ତାଣ୍ଡି ପ୍ରକାଶ କରିଛନ୍ତି ।
Comments are closed.